ఎనర్జిటిక్ స్టార్ రామ్ దర్శకుడు పూరీ జగన్నాథ్ కాంబినేషన్ లో తెరకెక్కుతున్న సినిమా ఇస్మార్ట్ శంకర్. ఈ మూవీలో రామ్ సరసన నభా నటేశ్, నిధి అగర్వాల్ లు హీరోయిన్ లు గా నటించారు. పూరీ జగన్నాథ్ , ఛార్మీ సంయుక్తంగా ఈసినిమాను నిర్మించారు. ఇటివలే విడుదల చేసిన ఈసినిమా ట్రైలర్ కు అభిమానుల నుంచి మంచి స్పందన వస్తోంది. తాజాగా వరంగల్ లో ఈసినిమా ప్రీ రిలీజ్ ఈవెంట్ ను నిర్వహించారు.
బోనాల పండుగ సందర్భంగా ఇస్మార్ట్ బోనాలు అనే పేరుతో ఈ కార్యక్రమం నిర్వహించారు. ఈసందర్భంగా పూరీ జగన్నాథ్ మాట్లాడుతూ.. రామ్ లో చాలా టాలెంట్ ఉంది అన్నారు. రామ్ చూడటానికి చాలా స్మార్ట్ గా కనిపించినా లోపల మాస్ యాంగిల్ కూడా ఉందని చెప్పారు. నాకు టెంపర్ సినిమా తర్వాత సరైన హిట్ పడలేదు…మంచి ఆకలితో ఉన్నప్పుడు రామ్ దొరికాడు. వెజిటీరియన్‌ ముసుగులో ఉన్న నాన్‌ వెజిటేరియన్‌ రామ్.
తను రామ్ పోతినేని కాదు.. రామ్ చిరుతపులి. రామ్ కు సినిమా ఇళ్లు తప్ప మరెవి తెలియవన్నారు. ఈసినిమాలో బోనాల పాట ప్రత్యేక ఆకర్షణగా నిలుస్తుందన్నారు. బోనాల పండుగ సీజన్ లో ఈసినిమా విడుదల అవుతున్నందుకు చాలా ఆనందంగా ఉందన్నారు. జులై 18న ఈసినిమా విడుదల కానుంది..అందరూ తమ ఫ్యామిలీతో వెళ్లి చూడండి అని తెలిపారు.
