ఢిల్లీ.. ప్లేఆఫ్స్ ఆశలు సజీవం!

కీలకమ్యాచ్‌లో చేతులెత్తేసింది పంజాబ్ కింగ్స్‌. ప్లే ఆఫ్స్‌కు చేరాలంటే తప్పక గెలవాల్సిన మ్యాచ్‌లో పేలవ ప్రదర్శనతో ఓటమి పాలైంది. 160 పరుగుల స్వల్ప లక్ష్యంతో బరిలోకి దిగిన పంజాబ్‌..నిర్ణీత ఓవర్లలో 9 వికెట్లు కొల్పోయి 142 పరుగులు మాత్రమే చేయగలిగింది. దీంతో 17 పరుగుల తేడాతో పంజాబ్ ఓటమి పాలైంది. జితేశ్ శర్మ 34 బంతుల్లో 44 పరుగులు చేయగా జానీ బెయిర్‌ స్టో 15 బంతుల్లో 28 పరుగులతో రాణించాడు.

ఇక అంతకముందు బ్యాటింగ్ చేసిన ఢిల్లీ 7 వికెట్లు కొల్పోయి 159 పరుగులు చేసింది. సర్పరాజ్ ఖాన్ 32,మార్ష్ 63,లలిత్ యాదవ్ 24 పరుగులు చేశారు. దీంతో ఐపీఎల్‌లో పంజాబ్ కింగ్స్ పోరాటం ముగిసినట్టే. ఈ గెలుపుతో ఢిల్లీ పాయింట్ల పట్టికలో నాలుగో స్థానానికి ఎగబాకింది.