గ్రీన్ ఛాలెంజ్‌లో పాల్గొన్న కార్పొరేటర్ బాబా ఫసియుద్దీన్..

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్‌లో భాగంగా తన పుట్టినరోజు సందర్భంగా మాజీ డిప్యూటీ మేయర్,బోరబండ కార్పొరేటర్ బాబా ఫసియుద్దీన్ మంగళవారం లంగర్ హౌజ్ దర్గా ఆవరణలో మొక్కలు నాటారు.

ఈ సందర్భంగా ఆయన మాట్లాడుతూ.. పుట్టినరోజు సందర్భంగా ఎంపీ సంతోష్ కుమార్ చేపట్టిన గ్రీన్ ఇండియా ఛాలెంజ్‌లో పాల్గొని మొక్కలు నాటడం ఆనందంగా ఉందని అన్నారు. పుట్టినరోజు గాని ఏ ఇతర శుభకార్యమైన పర్యావరణ పరిరక్షణకు తమ వంతు బాధ్యతగా ప్రతి ఒక్కరు మొక్కలు నాటాలని కోరారు. ఈ కార్యక్రమంలో ముస్లిం పెద్దలు,జూబ్లీహిల్స్ నియోజకవర్గ టీఆర్‌ఎస్ నాయకులు,టీఆర్‌ఆస్ విద్యార్థి విభాగం నాయకులు పాల్గొన్నారు. వారంతా బాబా ఫసియుద్దీన్ శుభాకంక్షలు తెలిపారు.