అర్జున్ రెడ్డి సినిమాతో ఓవర్ నైట్‌లో స్టార్‌ హీరోగా మారిపోయిన నటుడు విజయ్ దేవరకొండ. ఈ సినిమా తర్వాత వరుస ఆఫర్లతో బిజీగా ఉన్న విజయ్ ప్రస్తుతం గీత గోవిందం సినిమాతో ప్రేక్షకుల ముందుకురానున్నాడు. ఆగస్టు 15న సినిమా ప్రేక్షకుల ముందుకురానుండగా ఈ నెల 29న ఆడియో రిలీజ్‌ వేడుకను నిర్వహించనున్నారు.
ఇప్పటికే సినిమా ప్రమోషన్‌లో బిజీగా ఉన్న చిత్రయూనిట్ తాజాగా విజయ్ దేవరకొండ పాడిన సాంగ్‌ని విడుదల చేసింది. అమెరికా గాళ్ అయినా . . అత్తిలి గాళ్ అయినా .. యూరప్ గాళ్ అయినా .. యానాం గాళ్ అయినా అంటూ సాగే ఈ పాట యూట్యూబ్‌లో ట్రెండింగ్‌ మారగా వివాదంలో కూడా చిక్కుకుంది.
శ్రీమణి లిరిక్స్‌ రాయగా ఈ పాటలోని కొన్ని పదాలు ఇతరుల మనోభావాలు దెబ్బతీసేలా అసభ్యకరంగా ఉన్నాయంటూ నెటిజన్లు అభ్యంతరం వ్యక్తం చేస్తున్నారు. ఈ నేపథ్యంలో స్పందించిన శ్రీమణి లిరిక్స్‌లో మార్పులు చేస్తామని వెల్లడించారు. ఎవరిని కించపరచాలన్నది తమ ఉద్దేశం కాదని అందరి మనోభవాలను గౌరవించడం ప్రాధమిక ధర్మమని తెలిపారు. అభ్యంతరకర పదాలను తొలగించి మళ్లీ పాటను విడుదల చేస్తామని తెలిపారు. జీఏ2 పిక్చర్స్‌ పతాకంపై బన్నీ వాసు ఈ చిత్రాన్ని నిర్మిస్తుండగా పరశురాం దర్శకత్వం వహిస్తున్నారు.
https://youtu.be/T4imX7yFgY0
