ఉత్తరాదిని వణికిస్తుచ్చ చలి..ఐఎండీ అలర్ట్

ఉత్తరాదిన చలి పంజ విసురుతోంది. ఉత్తరప్రదేశ్, బీహార్‌లో ఉష్ణోగ్రతలు భారీగా పడిపోవడంతో, భారత వాతావరణ శాఖ (IMD) కీలక హెచ్చరిక జారీ చేసింది. ఉదయం సమయంలో పొగమంచు కారణంగా విజిబిలిటీ తీవ్రంగా తగ్గే అవకాశం ఉన్నందున, ప్రయాణికులు నెమ్మదిగా డ్రైవ్ చేయాలని, ఫాగ్ లైట్లను ఉపయోగించాలని సూచించింది.

డిసెంబర్ 11 రాత్రి, 12 ఉదయం ఉత్తర–తూర్పు యుపిలో అత్యంత ఘనమైన పొగమంచు ఏర్పడే అవకాశం ఉంది. అలాగే అస్సాం, మేఘాలయ, హిమాచల్ ప్రదేశ్, నాగాలాండ్, మణిపూర్, మిజోరం, త్రిపుర, ఒడిశా, ఉత్తరాఖండ్‌ రాష్ట్రాల్లో ఘనమైన పొగమంచు కనిపించవచ్చని IMD తెలిపింది. అవసరం లేని ప్రయాణాలను ఈ సమయంలో నివారించాలని, వాహనాలు నడుపుతున్నప్పుడు లో-బీమ్ లైట్లు తప్పనిసరిగా ఉపయోగించాలని హెచ్చరికలో పేర్కొంది.

గత ఐదు రోజులుగా పశ్చిమ మధ్యప్రదేశ్, విదర్భ, ఛత్తీస్‌గఢ్, తెలంగాణ, ఉత్తర ఒడిశా ప్రాంతాలు చలి తరంగం ప్రభావాన్ని ఎదుర్కొంటున్నాయి. ఈ పరిస్థితి ఇంకా కొనసాగినప్పటికీ, వచ్చే 2–3 రోజుల్లో కొంత ఉపశమనం లభించే అవకాశం ఉందని వాతావరణ శాఖ అంచనా వేసింది. డిసెంబర్ 12, 13 తేదీల ఉదయాల్లో పంజాబ్, హర్యానా, చండీగఢ్, హిమాచల్ ప్రదేశ్, తూర్పు ఉత్తరప్రదేశ్, ఈశాన్య రాష్ట్రాల్లో దట్టమైన పొగమంచు ఏర్పడవచ్చు అని వెల్లడించింది.

Also Read:ప్రధాని మోదీకి ఇజ్రాయెల్ ప్రధాని ఫోన్