సుదర్శనయాగంలో పాల్గొన్న సీఎం కేసీఆర్..

కాళేశ్వరం ప్రాజెక్టులో భాగంగా నిర్మిస్తున్న కొండపోచమ్మ సాగర్‌కు కాసేపట్లో శంకుస్ధాపన చేయనున్నారు సీఎం కేసీఆర్. ఇందులో భాగంగా మర్కూర్ పంప్ హౌజ్ దగ్గర చినజీయర్ స్వామితో కలిసి సుదర్శన యాగం, పూర్ణాహుతిలో పాల్గొన్నారు సీఎం కేసీఆర్ దంపతులు. ఈ సందర్భంగా చినజీయర్ స్వామికి ఘనస్వాగతం పలికారు సీఎం. సుదర్శన యాగం, పూర్ణాహుతి ముగిసిన అనంతరం మర్కూక్‌ పంపు హౌజ్‌ను ప్రారంభించనున్నారు సీఎం.

అంతకముందు ఎర్రవల్లి, మర్కూక్‌ గ్రామాల్లో రైతు వేదికల నిర్మాణానికి ముఖ్యమంత్రి కేసీఆర్‌ శంకుస్థాపన చేశారు. ఈ రెండు రైతు వేదికలను సీఎం కేసీఆర్‌ తన సొంత ఖర్చులతో నిర్మించనున్నారు.