సీఎం కేసీఆర్ ఇవాళ నిర్మల్ జిల్లాలో పర్యటించనున్నారు. ఇంటిగ్రేటెడ్ కలెక్టరేట్ భవనంతో పాటు బీఆర్ఎస్ పార్టీ జిల్లా కార్యాలయాన్ని ప్రారంభించనున్నారు. అలాగే పలు ప్రారంభోత్సవాలు, శంకుస్థాపనలు చేయనున్నారు.
మధ్యాహ్నం 3. 15 గంటలకు హైదరాబాద్‌లోని ప్రగతి భవన్ నుంచి సీఎం కేసీఆర్ బయలుదేరుతారు. 3.20 గంటలకు బేగంపేట నుంచి హెలికాప్టర్ ద్వారా సాయంత్రం 4.30 గంటలకు నిర్మల్ కు చేరుకుంటారు. 4.40 గంటలకు బీఆర్ఎస్ పార్టీ జిల్లా కార్యాలయాన్ని ప్రారంభిస్తారు. అనంతరం 5.50 గంటలకు జిల్లా నూతన కలెక్టరేట్ ను సీఎం కేసీఆర్ ప్రారంభిస్తారు. 6.30 గంటలకు బహిరంగ సభలో పాల్గొని ప్రసంగిస్తారు. రాత్రి 7.30 గంటలకు సభ ముగించుకొని 9.30 గంటలకు హైదరాబాద్ చేరుకుంటారు.
Also Read:Chiranjeevi:నాకు క్యాన్సర్ లేదు
నిర్మల్ రూరల్ మండలంలోని ఎల్లపెల్లి గ్రామ శివారులో సుమారు 16ఎకరాల్లో 1.20 లక్షల చదరపు అడుగుల విస్తీర్ణంలో జీ ప్లస్ టూ విధానంలో రూ. 56 కోట్లతో కొత్త కలెక్టరేట్‌ను నిర్మించారు. కలెక్టరేట్ సముదాయానికి నిరంతరాయ విద్యుత్ ను అందించేందుకు ప్రత్యేక సబ్ స్టేషన్‌ను ఏర్పాటు చేశారు. సీఎం పర్యటన నేపథ్యంలో పటిష్ట బందోబస్తు ఏర్పాటుచేశారు.
Also Read:తెలంగాణతో పాటే.. ఏపీ ఎలక్షన్స్ ?
