కోలీవుడ్‌లో సూపర్ స్టార్ రజినీకాంత్ ఇమేజ్.. ఫ్యాన్స్ ఫాలోయింగ్ గురించి ప్రత్యేకంగా చెప్పాల్సిన పని లేదు. అలాగే తెలుగులో అంతటి ఇమేజ్ ఉన్న మెగాస్టార్ చిరంజీవి. వీళ్లు ఇద్దరి కలిసి నటిస్తే చూడాలని..కోరుకునే ప్రేక్షకులు ఎంతోమంది ఉన్నారు. గతంలో సూపర్‌స్టార్‌, మెగాస్టార్‌లు కలసి నటించిన సందర్భాలున్నాయి. రజనీకాంత్‌ నటించిన ‘రానువ వీరన్‌’, ‘మాపిల్లై’లో చిరంజీవి అతిథి పాత్ర పోషించారు. తాజాగా మరోసారి ఇద్దరి ఒకే తెర మీద చూసే అదృష్టం ప్రేక్షకులకు దక్కబోతోంది. అది ఎలానంటే..శంకర్ దర్శకత్వంలో రజినీకాంత్ నటిస్తున్న రోబో 2.0లో చిరంజీవి గెస్ట్ పాత్ర పోషించనున్నట్టు దక్షణాది ఇండస్ట్ర్రీలో జోరుగా ప్రచారం జరుగుతోంది. అల్మోస్ట్ ఇది కాన్ఫామ్ అయినట్టు వార్తలు కూడా వస్తున్నాయి. ఇదే గనక నిజమైతే..దక్షణాదిలో ప్రతి ఒక్క సినీ ప్రేక్షకుడికి కనుల పండగే అని చెప్పోచ్చు.
రజినీకాంత్ హీరోగా నటిస్తున్న ఈసినిమాను దేశవ్యాప్తంగా రిలీజ్ చేయబోతున్నారు.ఈ సినిమా ఇండియా వ్యాప్తంగా మార్కెట్‌ సంపాదించడానికి ఇందులో విలన్‌ క్యారెక్టర్‌ కు అక్షయ్ కుమార్ సెలెక్ట్ చేసుకున్నాడు దర్శకుడు శంకర్. రజినీకాంత్ ఉన్నాడు కాబట్టి తమిళ్ ప్రేక్షకులు ఎగబడి చూస్తారు. విలన్‌గా అక్షయ్ కుమార్ ఉన్నాడు కాబట్టి బాలీవుడ్‌ లో సినిమాకు క్రేజ్ ఉంటుంది. ఇక తెలుగులో కూడా క్రేజ్ తీసుకురావాలంటే..ఓ తెలుగు స్టార్ హీరోతో ఇందులో గెస్ట్ రోల్ చేయించాలని శంకర్ ప్లాన్. అందుకే ఈ సినిమాలో చిరు ను గెస్ట్ పాత్ర పోషించాల్సిందిగా కోరారట. ముందుగా ఇందులో మహేష్ బాబును అనుకున్నా..చిరంజీవి ని ఫైనల్ చేసినట్టు తెలుస్తోంది. రూ.350 కోట్లతో హాలీవుడ్‌ స్థాయిలో చిత్రాన్ని రూపొందిస్తున్నారు. వచ్చే ఏడాది దీపావళి కానుకగా చిత్రాన్ని తెరపైకి తీసుకురానున్నారు
