ఏపీ సీఎం జగన్‌తో చినజీయర్ భేటీ..

ఏపీ సీఎం జగన్‌తో భేటీ అయ్యారు త్రిదండి చినజీయర్ స్వామి. ఏపీలోని అమరావతిలోని సీఎం నివాసంలో మర్యాదపూర్వకంగా కలిశారు. రామానుజాచార్యులు అవతరించి వెయ్యి సంవత్సరాలు అవుతున్న సందర్భంగా హైదరాబాద్‌ లోని ముచ్చింతల్‌ ఆశ్రమంలో సహస్రాబ్ది మహోత్సవాలు నిర్వహిస్తున్నారు. ఈ ఉత్సవాలను రావాల్సిందిగా జగన్‌ను ఆహ్వానించారు.

ఇక ఈ సందర్భంగా… చినజీయర్‌ స్వామి ఆశీస్సులు తీసుకున్నారు జగన్‌. చినజీయర్‌ స్వామితో పాటు టీటీడీ చైర్మన్‌ వైవీ సుబ్బారెడ్డి, మై హోం గ్రూప్‌ చైర్మన్‌ జూపల్లి రామేశ్వరరావు ముఖ్యమంత్రిని కలిశారు.

వచ్చే ఏడాది ఫిబ్రవరి 2 నుంచి 14 వ తేదీ వరకు సహస్రాబ్ది ఉత్సవాల నిర్వహణ, ఇందులో భాగంగా 1035 కుండ శ్రీలక్ష్మీనారాయణ మహాక్రతువు, 108 దివ్యదేశ ప్రతిష్ఠ, కుంభాభిషేకము, స్వర్ణమయ శ్రీరామానుజ ప్రతిష్ఠ కార్యక్రమాలు జరుగనున్నాయి.