ఐపిఎల్ 12వ సీజన్ లో తొలి మ్యాచ్ లో ఘన విజయం సాధించింది చైన్నై సూపర్ కింగ్స్.. నిన్న రాత్రి ఢిల్లీతో జరిగిన మ్యాచ్ లో కూడా అద్భుతమైన విజయాన్ని తన ఖాతాలో వేసుకుంది. 6 వికెట్ల తేడాతో ఢిల్లీపై విజయం సాధించింది చైన్నై. టాస్ గెలిచి బ్యాటింగ్ తీసుకున్న చైన్నై నిర్ణిత 20 ఓవర్లలో 6వికెట్ల నష్టానికి 147పరుగులు చేసింది. ఢిల్లీ ఓపెనర్ శిఖర్ ధావన్ 47 బంతుల్లో 51 పరుగులు చేసి జట్టుకు అండగా నిలిచాడు. అయితే మొదట్లో ఢిల్లీ బ్యాట్స్ మెన్లను కంట్రోల్ చేయలేకపోయిన చైన్నై బౌలర్లు చివర్లో మాత్రం కట్టడి చేశారు. ఢిల్లీ ఒపెనర్లు పృధ్దీ శా, శిఖర్ ధావన్ లు అద్భుతంగా ఆడారు. 36పరుగుల వద్ద తొలి ఢిల్లీ తొలి వికెట్ కోల్పోయింది.
ఇక ఆ తర్వాత వచ్చిన వారందరూ 20పరుగుల లోపే చేసి పెవిలియన్ చేరారు. శ్రేయస్ అయ్యార్ 18, రిషబ్ పంత్ 25 పరుగులు చేయగా మిగతా వారంతా సింగిల్ డిజిట్ కే పరిమితమయ్యారు. 15 ఓవర్లలో 118/2 స్కోరుతో ఉన్న ఢిల్లీ బ్యాట్స్‌మన్ చివరి ఐదు ఓవర్లలో కేవలం 29 పరుగులు మాత్రమే చేశారు. ఆ తర్వాత బ్యాటింగ్ చేసిన చైన్నై ఓపెనర్ షేన్ వాట్సన్ 44పరుగుల వద్ద అవుట్ కాగా, అంబటి రాయుడు 5 పరుగలకే అవుట్ అయ్యాడు. సురేష్ రైనా 16బంతుల్లో 30పరుగులు చేయగా మిశ్రా బౌలింగ్ లో అవుట్ అయ్యాడు. ఆ తర్వాత వచ్చిన కేదార్ జాదవ్ 34బంతుల్లో 27పరుగులు చేసి పెవిలియన్ బాట పట్టాడు. ఆ తర్వాత వచ్చిన ధోని 35 బంతుల్లో 32పరుగులు చేసి నాటౌట్ నిలిచాడు. మొత్తానికి చైన్నై ఇంకో రెండు బాల్స్ మిగిలి ఉండగానే లక్ష్యాన్ని చేధించింది.
