వేశ్యావృత్తిలో నలిగిపోతున్న అమ్మాయిల నేపథ్యంలో ‘టార్చిలైట్’ అనే చిత్రాన్ని తెరకెక్కుతోంది. ఈ మూవీలో సదా హీరోయిన్‌గా నటిస్తుంది. సదా తన కెరీలోనే మొదటిసారిగా వేశ్య పాత్రను పోషించింది. అయితే ఇప్పటికే కొన్ని పోస్ట్ ప్రొడక్షన్ కారణాలతో ఈ చిత్రం విడుదలలో జాప్యం జరుగుతుండగా ఈ చిత్రన్ని కొన్ని వారాల క్రితమే సెన్సార్ కు పంపారు. అశ్లీలత మోతాదు మరీ ఎక్కువగా ఉందన్న కారణంతో ఈ చిత్రానికి సెన్సార్ సర్టిఫికేట్ ఇవ్వడానికి సెన్సార్ బోర్డు నిరాకరించింది.
దీంతో దర్శకనిర్మాతలు ఢిల్లీలో ట్రైబ్యునల్ ను ఆశ్రయించి… సర్టిఫికేట్ తెచ్చుకున్నట్టు వార్తలు వినిపిస్తున్నాయి. ఈ సినిమాను ఎ.మజీద్ ఈ సినిమాకు దర్శకత్వం వహించారు. ఇక అచ్చ తెలుగు ఆడపిల్లలా కనిపించే సదాని ఇప్పటి వరకూ చాలా హోమ్లీగా చూశాం. జయం సినిమా ద్వారా టాలీవుడ్‌కి పరిచయమైన ఈ అమ్మడు చాలా సినిమాల్లో హీరోయిన్‌గా నటించారు. ఇటీవల ఓ రియాలిటీ షోలో జడ్జిగా కూడా వ్యవహరించారు. కానీ ఏ సినిమాలోనూ.. ఏ షోలోనూ డ్రెస్సింగ్ విషయంలో కానీ అందాల ఆరబోతలో కానీ హద్దు దాటింది లేదు.
ఇక అలాంటి సదా ఈ మూవీలో వేశ్యగా నటించడం చర్చాంశనీయంగా మారింది. అర్థరాత్రి హైవేలపై విటుల కోసం ఎదురు చూసే క్యారెక్టర్‌లో సదా మెప్పించనుంది. ఇంతకు ముందు హీరోయిన్‌ అనుష్క కూడా ఓ సినిమాలో వేశ్య క్యారెక్టర్‌ను పోషించిన విషయం తెలిసిందే. ‘టార్చిలైట్’ మూవీ డైరెక్టర్ మజీద్ ఎందరో హీరోయిన్స్‌ని సంప్రదించారట. కానీ వేశ్య క్యారెక్టర్ అనగానే వెనక్కు తగ్గారట. సదా మాత్రం కథ విన్న వెంటనే ఓకే చెప్పేసిందట.
