కేంద్ర మంత్రి బండి సంజయ్ నిన్న చేసిన అర్ధంలేని, బాధ్యతారాహిత్యపు, రాజకీయ ప్రేరిత వ్యాఖ్యలను భారత్ రాష్ట్ర సమితి కరీంనగర్ జిల్లా ఖండిస్తుంది అన్నారు బీఆర్ఎస్ పార్టీ నేత జి.వి. రామకృష్ణ రావు. బండి సంజయ్ పదే పదే కేసీఆర్ , కేటీఆర్ పై చేస్తున్న ఆరోపణలు పూర్తిగా అసత్యాలు, ఆధార రహితాలు. ప్రజలు వాటిని ఎప్పుడో తిరస్కరించారు. కాళేశ్వరం ప్రాజెక్టుపై మీరు సంవత్సరాలుగా అరుస్తూనే ఉన్నారు. ఇప్పటికే కమిషన్ నియమించబడింది, కోర్టు కూడా జస్టిస్ పీసీ ఘోష్ కమిషన్ విచారణపై స్టే ఇచ్చింది. అయినప్పటికీ అదే విషయాన్ని పదే పదే లేవనెత్తడం మీ రాజకీయ దివాళా స్థితిని చూపిస్తుంది. ఫార్ములా ఈ-కార్ రేస్, ఫోన్ ట్యాపింగ్ వంటి అంశాలు కోర్టులో ఉన్నాయని తెలిసి కూడా మీరు మాట్లాడటం చట్టాల పట్ల మీకు అవగాహన లేకపోవడమే కాకుండా, కేంద్రమంత్రిగా మీ అర్హతలపై సందేహాలను కలిగిస్తుంది. కేసీఆర్ గారు, కేటీఆర్ గారిపై పెట్టిన అన్ని కేసులు పూర్తిగా రాజకీయ కుట్రలే అన్నది ప్రజలకు స్పష్టంగా తెలుసు. ఏ ఆరోపణలు నిరూపించకుండా అరెస్టులు చేయాలని డిమాండ్ చేయడం మీ అజ్ఞానానికి నిదర్శనం. మీరు, రేవంత్ రెడ్డి కలిసి తప్పుడు కేసులు సృష్టించేందుకు ప్రయత్నిస్తున్నా, కేసీఆర్ , కేటీఆర్ చేసిన ప్రతి పని చట్టబద్ధంగా, తెలంగాణ ప్రయోజనాల కోసం ఉండటంతో మీ కుట్రలు ఒక్కటి కూడా సక్సెస్ కాలేక పోతున్నాయి అన్నారు.
కేంద్రమంత్రిగా మీకు ఇప్పటివరకు ఒక్క శాఖను కూడా స్వతంత్రంగా నిర్వహించే స్థాయి ఇవ్వకపోవడం మీ పనితీరుకే అద్దం పడుతుంది. ఢిల్లీలో మీ కుర్చీ డమ్మీగా మారింది. మీ చేతిలో ఉన్న పెన్కు కూడా పని లేకుండా పోయింది. అందుకే అధికారిక బాధ్యతలు లేక కరీంనగర్లో వీధి నాయకుడిలా ప్రవర్తిస్తూ రాజకీయ డ్రామాలు చేస్తున్నారు. అంతర్జాతీయ సమస్యలతో దేశం సవాళ్లు ఎదుర్కొంటున్న సమయంలో మీరు సినిమాలు చూసి, కేసీఆర్ గారిపై ఆరోపణలు చేయడం కాకుండా.. గ్యాస్, పెట్రోల్, డీజిల్ సరఫరా, రాష్ట్రానికి నిధులు తెచ్చే పనిపై దృష్టి పెట్టాలి అన్నారు.
Also Read:Shreyas:ఈసారి ట్రోఫీ మాదే!
ఢిల్లీ లిక్కర్ కేసు వంటి తప్పుడు కేసులు కోర్టులో ఎలా కూలిపోయాయో దేశం చూసింది. దర్యాప్తు సంస్థలను ఉపయోగించి నాయకులను బ్లాక్ మెయిల్ చేసే మీ పార్టీ వైఖరి బయటపడింది. ఇదే దారిలో మీరు, మీ మిత్రులు కొనసాగితే చట్టం, ప్రజాస్వామ్యం మీకు తగిన సమాధానం ఇస్తాయి. ఈ పరిస్థితులన్నీ చూస్తే, మీ పాదయాత్రలో భగవంతుడు హనుమంతుడు కూడా మీకు దర్శనం ఇవ్వలేదనేది స్పష్టంగా కనిపిస్తోంది. మీరు హిందువుల పరిరక్షకుడినని చెప్పుకుంటూ ఉంటారు, కానీ కొండగట్టు ఆలయం సమయాలు కూడా తెలియకుండా యాత్ర చేయడం మీ అవగాహనా లోపాన్ని చూపిస్తుంది. మీ యాత్రలో భక్తి కంటే రాజకీయాలే ఎక్కువగా ఉన్నాయనే విషయం స్పష్టంగా కనిపిస్తోంది. అందుకే హనుమంతుడు కూడా మీకు దర్శనం ఇవ్వలేదని ప్రజలు భావిస్తున్నారు. తేనెటీగల దాడి కూడా మీ యాత్రలోని అసలైన స్వరూపాన్ని బయటపెట్టింది. ప్రజల్లో స్పందన లేని, ఆధారాలు లేని అంశాలపై అరవడం మానేసి, మీ బాధ్యతలను నిర్వర్తించడం నేర్చుకోవాలి అన్నారు.