టాలీవుడ్ కింగ్ నాగార్జున, బాలీవుడ్ సూపర్ స్టార్ అమితాబ్ బచ్చన్, మౌనీ రాయ్‌‌లు కీలక పాత్రలో నటిస్తున్న చిత్రం బ్రహ్మాస్త్ర. బాలీవుడ్‌‌‌తో బ్యూటీఫుల్ కపుల్స్ రణ్‌బీర్‌ కపూర్‌, ఆలియా భట్‌ జంటగా.. భారీ బడ్జెట్‌లో పాన్ ఇండియా లెవల్లో తెరకెక్కుతోంది. హిందీతో పాటు తెలుగు, తమిళం, కన్నడ, మళయాళం భాషల్లో సెప్టెంబర్ 9న విడుదల కానుంది.
ఇప్పటికే విడుదలైన సినిమా పాత్రలకు సంబంధించిన పోస్టర్స్, ఫస్ట్ లుక్, టీజర్స్ అభిమానులను తెగ ఆకట్టుకుంటున్నాయి. అజయ్‌ విశిష్ఠ్‌ పాత్రలో నాగార్జున నటిస్తుండగా.. అతని పవర్ గురించి రివీల్ చేశారు. ‘సహస్ర నందిమ్ సామర్థ్యం.. హే నంది అస్త్రం.. ఖండ ఖండ ఖురు.. మామ్ సహాయకం, మామ్ సహాయకం’ అంటూ ట్వీట్ చేశారు.
1000 నందులతో కూడిన బలం నంది అస్త్రం. ఈ పవర్‌ను నాగార్జున చూపిస్తున్నట్లు మోషన్ పోస్టర్ వదిలారు. ఇది అభిమాలను తెగ ఆకట్టుకుంటోంది. ఈ నెల 15న ఈ సినిమా ట్రైలర్‌ను విడుదల చేయనున్నారు.
