బుల్లితెర రియాల్టీ షో బిగ్ బాస్ తెలుగు సీజన్ 6లో భాగంగా ఈ వారం ఇంటి నుండి ఎలిమినేట్ అయ్యారు గీతూ. ఈ వారం ఎలిమినేషన్‌లో 13 మంది ఉండగా ఒక్కొక్కరిని సేవ్ చేస్తూ వచ్చిన నాగ్…చివరికి గీతూ ఎలిమినేట్ అయినట్లు ప్రకటించారు. దీంతో నేను వెళ్లను అంటూ గీతూ ఏడుపు అందుకుంది. బిగ్‌బాస్ గెలవడానికి వచ్చాను, ఆట బాగా ఆడాను అని కంటతడి పెట్టింది.
తర్వాత స్టేజి మీదకి వచ్చిన గీతూ నాగార్జున ముందు ఏడ్చింది. నాగార్జున ఆమెను ఓదారుస్తూ బిగ్‌బాస్ షో బ్రేకర్స్ ఎవరు? షో మేకర్స్ ఎవరు? అని చెప్పమన్నాడు. ఆది రెడ్డి, రేవంత్‌, సత్య, ఫైమా, శ్రీహాన్‌లు బిగ్‌బాస్ షో మేకర్స్ అని, ఇనయ, మెరీనా, రోహిత్‌, రాజ్‌, కీర్తిలు షో బ్రేకర్స్ అని చెప్పింది. తర్వాత ఏడుస్తూ అందరికి గుడ్ బై చెప్తూ వెళ్ళిపోయింది.
ఇక అంతకముందు సన్‌డే ఫన్ డేలో భాగంగా మాస్‌ డ్యాన్స్ తో గ్రాండ్ ఎంట్రీ ఇచ్చాడు నాగ్. మొదట కంటెస్టెంట్స్ తో కుర్చీలాటని కొత్తగా ఫ్లవర్ గేమ్ అని ఆడించాడు. పాట ప్లే అయినంతసేపు డ్యాన్స్ వేసి పాట ఆగిపోగానే అక్కడ ఏర్పాటు చేసిన ఫ్లవర్స్ లో ఒకదాన్ని పట్టుకోవాలి. చాలా సరదాగా సాగింది ఈ గేమ్.
ఇవి కూడా చదవండి..
