బుల్లితెర రియాల్టీ షో బిగ్ బాస్ తెలుగు సీజన్ 5 విజయవంతంగా 68 ఎపిసోడ్స్ పూర్తి చేసుకుంది. 68వ ఎపిసోడ్లో భాగంగా బీబీ హోటల్ టాస్క్ ఫన్నీగా సాగింది. ఇక రవికి ఇచ్చిన సీక్రెట్ టాస్క్ బిస్కెట్ అయి పోయింది. హోటల్‌కి గెస్ట్‌గా వచ్చిన కాజల్ వద్ద రవి డబ్బుల్ని కొట్టేయడంతో హోటల్ సిబ్బందికి గెస్ట్‌ల మధ్య పంచాయితీ జరిగింది. నా దగ్గర కొట్టేసిన 17 వందల లెక్క తేలేవరకూ మా దగ్గర నుంచి టిప్‌గా ఒక్క రూపాయి కూడా రాదని తెగేసి చెప్పింది కాజల్.
హనీమూన్ కపుల్‌ మానస్-ప్రియాంకలను ఇంప్రెస్ చేసేందుకు అనీ మాస్టర్ హనీమూన్ బెడ్ రెడీ చేసి.. టిప్ కొట్టేసేందుకు ప్లాన్ చేయగా.. సన్నీ ఆ ప్లాన్‌ని భగ్నం చేశాడు. రవి కాజల్ డబ్బుల్ని కాజేయడాన్ని షణ్ముఖ్ గమనించడంతో.. నువ్ డబ్బుల్ని కాజేయడం నేను చూశాను రవీ.. దాని వల్ల మన గేమ్‌కి ఎఫెక్ట్ అవుతుందని చెప్పాడు షణ్ముఖ్.
అనీ మాస్టర్‌పై ప్రతీకారం తీర్చుకునే సమయం రావడంతో ఆమెకు చుక్కలు చూపించాడు సన్నీ. ఇక షణ్ముఖ్‌తో అన్ని సేవలను చేయించుకుంది సిరి. రవి తన దగ్గర డబ్బులు కొట్టేయడంతో.. కాజల్ మాటు వేసి ఆనీ మాస్టర్ దగ్గర డబ్బుల్ని నొక్కేసింది. ఆ తరువాత కాజల్ తాగే వాటర్‌లో కారం కలిపేశాడు రవి. ఆ విషయాన్ని కాజల్ పసిగట్టేసింది. అయితే తర్వాత రవి చేసే పనులతో ఇది ఖచ్చితంగా సీక్రెట్ టాస్క్ అని గమనించారు ఇంటి సభ్యులు. దీంతో రవి కెప్టెన్ పోటీ దారుని నుండి తప్పుకున్నట్లు అయింది.
ఇక గెస్ట్‌లు టిప్‌లు సరిగా ఇవ్వకపోవడంతో హోటల్ సిబ్బంది సర్వీస్‌ని ఆపేశారు. దీంతో రెండు టీంల మధ్య డిస్కషన్ నడిచింది. ఆనీ మాస్టర్ అయితే నాకు టిప్‌లు ఇవ్వడం లేదంటూ ఏడ్చి గోల చేసింది. తర్వాత సీక్రెట్ రూమ్‌లో ఉన్న జెస్సీ తన ఆరోగ్యం సరిగా లేదని చెప్పగా డాక్టర్ పరీక్షించారు.
