బిగ్ బాస్ తెలుగు సీజన్ 4 విజయవంతంగా 67 ఎపిసోడ్స్ పూర్తి చేసుకోగా 67వ ఎపిసోడ్‌లో ఇంటిసభ్యుల్లో అఖిల్‌ని ఎలిమినేట్(సీక్రెట్ రూం)లోకి పంపించి బిగ్ ట్విస్ట్ ఇచ్చారు. ఇంట్లో ఒక్క‌రూ తనకు స‌పోర్ట్ చేయ‌లేదు అని అఖిల్ బాధపడుతుండగా తొలిసారి అంతా ఏకాభిప్రాయంతో అఖిల్ స్ట్రాంగ్ అని చెబుతూ ఇంటి నుండి బయటకు పంపేశారు.
ఫినాలే వ‌ర‌కు సాగే మీ ప్ర‌యాణంలో ఎవ‌రు మీకు అడ్డుప‌డ‌తార‌ని భావిస్తారో ఆ వ్య‌క్తి పేరును ఏకాభిప్రాయంతో తెలియ‌జేయాల‌ని, అత‌డు త‌క్ష‌ణ‌మే హౌస్‌ను వీడి వెళ్లాల్సి ఉంటుంద‌ని బిగ్ బాస్ చెప్పగా అనేక తర్జనభర్జనల అనంతరం అంతా ఏకాభిప్రాయంతో అఖిల్ పేరు చెప్పారు.
మొద‌టి సారి ఏకాభిప్రాయంతో న‌న్ను సెల‌క్ట్ చేసుకున్నారు..ప్రేక్షకులు ఎలిమినేట్ చేస్తే బాధపడేవాడిని ఇంటి సభ్యులు అంతా తనని స్ట్రాంగ్ అంటూ బయటకు పంపించడం ఆనందంగా ఉందన్నారు. ఇక అఖిల్ కూడా ఊహించని విధంగా అతడిని సీక్రెట్ రూమ్‌లో కొన్నిరోజులు ఉండాలని తెలిపారు బిగ్ బాస్.
మోనాల్ తనని తలుచుకుని క‌న్నీటి పర్యంతం కావడం చూసి ఎమోషన్ అయ్యాడు అఖిల్. అయితే అభిజిత్ మాటలను చూసిన అఖిల్ ప్రతిదానికి కౌంటర్ వేస్తూ ఈ మనిషి ఏందో ఎవరికి అర్దం కాడని సెటైర్ చేశాడు.
