కరోనా కారణంగా వాయిదా పడ్డ సినిమా,టీవీ సీరియల్స్ షూటింగ్‌ ఇటీవలె ప్రారంభం అయిన సంగతి తెలిసిందే. ఈ నేపథ్యంలో తెలుగులో సక్సెస్‌ఫుల్‌గా 3 సీజన్‌లు కంప్లీట్ చేసుకున్న బిగ్ బాస్ షో…సీజన్ 4 కోసం సిద్ధమవుతోంది.
ఇక ఇప్పటికే బిగ్ బాస్ సీజన్ కంటెస్టెంట్‌లకు సంబంధించి లిస్ట్ అంటూ కొన్నిపేర్లు ప్రచారంలో ఉండగా తాజాగా మరో అప్ డేట్ వచ్చేసింది. కరోనా నేపథ్యంలో బిగ్ బాస్ 4 సీజన్‌ని కేవలం 50 రోజుల్లోనే పూర్తిచేయనున్నారట.
ప్రభుత్వ గైడ్ లైన్స్ ప్రకారం భౌతికదూరం ఉండేలా ప్ర‌తి పార్టిసిపెంట్‌కి సెపరేట్ బాత్రూమ్స్‌, వాషింగ్ మెషీన్స్ ఉండేలా జాగ్ర‌త్త‌లు తీసుకోనున్నారట. ఈ మేరకు హైదరాబాద్‌లో ఏర్పాటుచేసిన ప్రత్యేకసెట్‌లో మార్చులు చేర్పులు చేస్తున్నారని టాక్‌. వాస్తవానికి ఇప్పటివరకు బిగ్‌బాస్ సీజన్ వంద రోజుల పాటు జరుగగా ఈ సారి 50 రోజులే ఉండనుందని వార్త హాట్ టాపిక్ గా మారగా ఇందుకు సంబంధించి అఫిషియల్ అనౌన్స్ మెంట్ వెలువడాల్సి ఉంది.
