బాలీవుడ్‌ హీరో అజయ్‌ దేవ్‌గణ్‌ ప్రధాన పాత్రలో నటించిన పీరియాడికల్‌ డ్రామా ‘భుజ్’ (ది ప్రైడ్‌ ఆఫ్‌ ఇండియా)’. సంజయ్ దత్, నటి సోనాక్షి సిన్హా, ప్రణీత కీలక పాత్రలు పోషించారు. 1971 భారత్‌ – పాకిస్థాన్‌ యుద్దం నేపథ్యంలో రూపొందిన చిత్రమిది. యుద్ధ సమయంలో గుజరాత్‌లోని ‘భుజ్’ ఎయిర్‌బేస్‌ ఎలా విధ్వంసానికి గురైంది? ఆ సమయంలో ఆ విమానాశ్రయానికి ఇన్‌ఛార్జ్‌గా ఉన్న ఐఏఎఫ్‌ స్వ్కాడ్రన్ నాయకుడు విజయ్ కార్నిక్‌ చేసిన పోరాటం ఏమిటి? అన్న ఇతివృత్తంతో అభిషేక్‌ ఈ చిత్రాన్ని తెరకెక్కించారు. సోమవారం ఈ చిత్రం ట్రైలర్‌ను విడుదల చేశారు.
దేశ‌భ‌క్తి, యాక్ష‌న్ స‌న్నివేశాల‌తో భుజ్ ట్రైల‌ర్ ఆక‌ట్టుకుంటోంది.. ఇండో-పాక్ యుద్ధం సమయంలో బుజ్ ఎయిర్‌బేస్‌కు స్వ్కాడ్రన్ లీడ‌ర్‌గా విజయ్ ఉంటారు. ఆ పాత్ర‌ను దేవ‌గ‌న్ పోషించాడు. ఈ సినిమాలో సంజయ్ దత్ ఆర్మీ స్కౌట్ రాంచోడ్‌దాస్ ప‌గి పాత్ర‌ను పోషిస్తున్నాడు. 3.20 నిమిషాల ట్రైల‌ర్ మొత్తం యాక్ష‌న్ సీన్ల‌తో నిండిపోయింది. డిస్నీ హాట్‌స్టార్‌లో ఆగ‌స్టు 13వ తేదీన ఈ సినిమాను రిలీజ్ చేస్తున్నారు.
