ఆసియా కప్‌లో దాయాదుల సమరం ఎప్పుడో తెలుసా…

దేశ వ్యాప్తంగా క్రికెట్‌ అభిమానులకు ఎప్పుడెప్పుడా అని ఎదురుచూస్తున్న ఆసియా కప్‌ 2022 షెడ్యూల్‌ వచ్చేసింది. దుబాయ్‌, షార్జా వేదికలుగా ఈనెల (ఆగస్ట్‌) 27 నుంచి మెగా టోర్నీ ప్రారంభంకానుంది. దుబాయ్‌ వేదికగా శ్రీలంక-ఆఫ్ఘనిస్తాన్‌ జట్ల మధ్య మ్యాచ్‌తో టోర్నీ షురూ కానుంది. ప్రపంచవ్యాప్తంగా ఉన్న క్రికెట్‌ అభిమానులు ఆసక్తిగా ఎదురుచూస్తున్న దాయాదుల సమరం (భారత్‌-పాక్‌) ఆగస్ట్‌ 28న జరుగనుంది. షెడ్యూల్‌ పూర్తి వివరాలను ఆసియా క్రికెట్‌ కౌన్సిల్‌ (ఏసీసీ) అధ్యక్షుడు జై షా ట్విటర్‌ వేదికగా మంగళవారం ప్రకటించారు.