దాదాపు రూ. 200 కోట్ల బడ్జెట్‌తో టాలీవుడ్‌ మెగా పవర్‌స్టార్ రామ్ చరణ్, తమిళ డైరెక్టర్‌ శంకర్ కాంబోలో ఓ భారీ చిత్రం రాబోతున్న విషయం తెలిసిందే. కియారా అద్వానీ హీరోయిన్‌గా నటిస్తోన్నఈ మూవీ పొలిటికల్ బ్యాక్ డ్రాప్‌తో ఆసక్తికరమైన కథతో రూపొందుతోంది. చరణ్‌కు ఇది 15వ చిత్రం కాగా.. దిల్ రాజు బ్యానర్‌లో ఇది 50వ చిత్రం. తమన్ సంగీతం అందిస్తున్న ఈ సినిమాలో సునీల్, శ్రీకాంత్, మలయాళ స్టార్ జయరాం ముఖ్యపాత్రలు పోషిస్తున్నారు.
ఈ మూవీలో చరణ్ ఎలక్షన్ కమీషనర్ గా నటించనుండగటంతో పాటు ద్విపాత్రాభినయం చేయబోతున్నారు. ఇక ఈ సినిమాలో విలన్‌గా స్టార్ యాక్టర్ అరవింద స్వామి నటించనున్నారట. గతంలో వీరిద్దరూ ధృవ సినిమాలో నటించగా ఆ సినిమాలో ఒకరికి ఒకరు పోటీపడి మరి నటించారు.
ఇప్పుడు తాజాగా RC 15 లో విలన్ గా నటిస్తుండటం ఫ్యాన్స్‌కు కిక్‌ ఇస్తోంది. త్వరలోనే ఇందుకు సంబంధించి అఫిషియల్ అనౌన్స్ రానుందట.
