వారిద్దరు అగ్రకథానాయికలు. వారి సినిమాలు వస్తున్నాయంటేనే అభిమానుల్లో క్రేజ్. ఎందుకంటే అందం విషయంలోను .. అభినయం విషయంలోను అభిమానులచే శభాష్ అనిపించుకుంటున్నారు. అలాంటి ఈ ఇద్దరు కథానాయికలు ‘బాహుబలి’ సినిమాలో నటించి, ఆ సినిమాకి ప్రత్యేక ఆకర్షణగా నిలిచారు. అదే ప్రత్యేకతను ‘బాహుబలి 2’ సినిమాలోను కంటిన్యూ చేస్తున్నారు. ఇప్పుడీ కాంబోని మరోసారి దించుతున్నాడు దర్శకుడు గౌతమ్ మీనన్. ప్రస్తుతం గౌతమ్ మీనన్ ఓ మూవీకి సిద్ధమవుతున్నాడు.
గౌతమ్ మీనన్ తెలుగు .. తమిళ .. మలయాళ .. కన్నడ భాషల్లో ఒక సినిమా చేస్తున్నాడు. ఈ సినిమాలో నలుగురు హీరోలు .. ముగ్గురు కథానాయికలు అవసరం కాగా, అనుష్కను .. తమన్నాను ఎంచుకున్నారు. త్వరలోనే ఈ సినిమా పట్టాలెక్కనుంది. నలుగురు స్నేహితులు కలిసి యూఎస్ ట్రిప్ కు వెళ్లడం అన్నదే ఈ చిత్ర కథాంశం. సౌత్ లోని నాలుగు భాషల్లోనూ రూపొందేలా క్రేజీ కాంబినేషన్ ను సిద్ధం చేస్తున్నారు. మూడు పాత్రలో కోసం పృథ్వీ రాజ్,పునీత్ రాజ్ కుమార్, సాయి ధరం తేజ్ లతో మాటామంతీ జరుగుతుండగా.. మరొక హీరో పాత్రను నిర్ణయించాల్సి ఉంది.
మరో హీరోయిన్ గా కొత్త భామను తీసుకొచ్చే అవకాశాలు ఉన్నాయి. ఏప్రిల్ లో బాహుబలి2తో ప్రేక్షకుల ముందుకు రానున్న అనుష్క.. తమన్నాలు వచ్చే ఏడాది కూడా కలిసి సందడి చేయనుండడం విశేషం.
