పాకిస్థాన్‌ను ఇండియా చిత్తుగా ఓడించినపుడు ఓ పాకిస్థాన్‌ విలేఖరి ఏడాది పాటు భారత క్రికెట్‌ జట్టు సారథి కోహ్లీని మాకు ఇవ్వండి. అందుకు బదులుగా 11మందితో కూడిన పాక్‌ జట్టును భారత్‌కు ఇస్తామని ట్వీటు చేసిన సంగతి తెలిసిందే. పాకిస్ధాన్ జట్టులో కోహ్లీ లాంటి ఆటగాడు లేడని బాధపడుతున్న వారికి ఇప్పుడు కోహ్లీ దొరికాడు. భారత్‌కు చిరకాల ప్రత్యర్థి అయిన పాక్‌స్థాన్‌లో విరాట్‌ కోహ్లీని పోలిన వ్యక్తికి సంబంధించిన ఓ వీడియో ఇప్పుడు నెట్టింట్లో హల్‌చల్‌ చేస్తోంది.
ఈ వీడియోలో ఉన్న ఓ యువకుడు కరాచీలోని షహీద్‌ ఈ మిల్లాట్‌లో ఉన్న డామినోస్‌ పిజా సెంటర్‌లో ఓ యువకుడు అచ్చం విరాట్‌ కోహ్లీని పోలి ఉన్నాడు. అక్కడికి వచ్చిన వారంతా అతన్ని చూసి ఆశ్యర్యపోతున్నారు. అంతేకాదు అతని వద్దకి వెళ్లి నువ్వు కోహ్లీలా ఉన్నావంటూ చెబుతున్నారు. కోహ్లీకి పాక్‌లో అభిమానులు ఉన్న సంగతి తెలిసిందే. పిజా సెంటర్‌లో కోహ్లీ పిజ్జా తయారుచేస్తున్నాడా.. ఏంటని.. కోహ్లీని పోలిన వ్యక్తికి సంబంధించిన వీడియోను ‘జస్ట్‌ పాకిస్థానీ తింగ్స్‌’ పేరిట ఉన్న సోషల్ మీడియాలో ఉంచారు. ఇప్పటి వరకు ఈ వీడియోను మూడు లక్షల మంది వీక్షించగా.. 4వేలకు పైగా లైక్‌లు, 2,250 షేర్లు లభించాయి. అయితే అతని పేరు మాత్రం తెలియరాలేదు. కానీ, ఇప్పుడతడు సోషల్ మీడియాలో హాట్ టాపిక్ అయ్యాడు.
