చిట్టిబాబు, కుమార్‌ బాబు, ప్రెసిడెంట్, రామలక్ష్మి,రంగమ్మత్త…ఈ పేర్లు ‘రంగస్థలం’ మూవీలోని పాత్రల పేర్లలాగే ఉన్నాయ్‌ కదూ. డౌట్‌ ఎందుకు…ఆ సినిమాలోని పాత్రల పేర్లే ఇవి. రంగస్థలం సినిమా చూసిన ప్రేక్షకులందరి కళ్లలో ఈ పాత్రలు మెదులుతూనే ఉంటాయి.
రంగస్థలం హిట్‌తో ఇప్పటికే చిత్ర టీమంతా సంబరాల్లో మునిగితేలుతోంది. ఇక రంగమ్మత్త పాత్రలో నటించిన హాట్‌ యాంకర్‌ అనసూయ ఈ విజయాన్ని బాగా ఎంజాయ్‌ చేస్తోంది. మూవీ సూపర్‌ హిట్ అవడంతో చిత్ర టీమ్‌కి మాంచి విందునిచ్చింది అనసూయ. ఓ ఫొటోను రంగస్థలం అసిస్టెంట్ డిజైనర్ గౌరీ నాయుడు సోషల్ మీడియాలో పోస్ట్ చేస్తూ.. “రంగమ్మత్త విందు భోజనం. మా రంగస్థలం గ్రామస్థులు, మా ప్రెసిడెంట్ గారి సన్నిహితులు” అంటూ కామెంట్ పెట్టింది.
ఇక ఆ ట్వీట్‌కు ‘సచ్‌ ఎ లవ్‌లీ టైమ్‌’ అంటూ కామెంట్ పెట్టింది అనసూయ. కాగా ఆ ఫోటోలో రంగస్థలం టీమ్‌తో పాటు అనసూయ భర్త, యాంకర్‌ రష్మీలు కూడా ఉన్నారు.
