రజనీకాంత్‌ కథానాయకుడిగా, అక్ష‌య్ కుమార్ ప్ర‌తినాయ‌కుడిగా నటించిన భారీ బ‌డ్జెట్ చిత్రమైన 2.ఓ. ఈ మూవీకి శంకర్‌ దర్శకత్వం వహించారు. లైకా ప్రొడక్షన్స్‌ సంస్థ సినిమాను నిర్మించింది. ఎ.ఆర్‌. రెహమాన్‌ బాణీలు అందించారు. ఈ చిత్రంపై ఉత్కంఠ రోజు రోజుకు పెరుగుతోంది. 29-11-18 డెస్టినేషన్ డే! నేటి మిడ్ నైట్ కే ప్రీమియర్ల నుంచి టాక్ ఏంటి అన్నది లీకవుతుంది. రేపటి ఉదయానికే అసలు ఈ సినిమాలో దమ్మెంతో సమీక్షకులు తేల్చేస్తారు. ఈ నేపథ్యంలో చిత్రానికి ప్రమోషన్స్‌ భారీగా చేస్తున్నారు.
అయితే ఈ చిత్రం కోసం ప్రతి ఒక్క టెక్నీషియ‌న్ ఎంత‌గా క‌ష్ట‌ప‌డ్డారు. క‌థానాయిక అమీజాక్స‌న్ అయితే చిత్రం ప్రారంభం కాక ముందు నుండే ఉత్త‌మ యాక్షన్ కొరియోగ్రాఫ‌ర్స్ స‌మ‌క్షంలో స్లో మోష‌న్‌లో స్టంట్స్ చేసింది. సాధ‌న‌లో భాగంగా తొలి స్టంట్ అంటూ అమీ ఓ వీడియో షేర్ చేసింది. ప్రతి స్టంట్‌ని స్లో మోష‌న్‌లో చేశాం. అప్పుడే చేసిన త‌ప్పులు తెలుస్తాయి. షూట్ స‌మ‌యానికి వాటిని స‌రిదిద్దుకోవ‌చ్చు అని అమీ త‌న వీడియోకి కామెంట్‌గా తెలిపింది. అమీ జాక్స‌న్ వీడియోకి విశేష‌మైన స్పంద‌న వ‌స్తుంది.
