బాలీవుడ్ దిగ్గజ నటుడు అమితాబ్ బచ్చన్ సోషల్ మీడియాకు తాత్కాలికంగా విరామం ప్రకటించారు. విశ్రాంతి తీసుకుని కోలుకోవడంపై దృష్టి పెట్టాలని వైద్యులు సూచించడంతో ఈ నిర్ణయం తీసుకున్నట్లు ఆయన వెల్లడించారు. 84 ఏళ్ల అమితాబ్ బచ్చన్ ఎక్స్‌ (గతంలో ట్విట్టర్), తన అధికారిక బ్లాగ్‌ ద్వారా అభిమానులకు ఈ విషయాన్ని తెలియజేశారు. కొద్దిరోజుల పాటు విశ్రాంతి తీసుకోవాలని, కోలుకునే సమయంలో ఎక్కువగా రాయవద్దని సూచించారని పేర్కొంటూ అభిమానులకు క్షమాపణలు తెలిపారు.
అమితాబ్ బచ్చన్ నిర్ణయం ఆయన ఆరోగ్యానికి సంబంధించినదే అయినప్పటికీ, ప్రస్తుత డిజిటల్ యుగంలో సోషల్ మీడియాకు కొంతకాలం దూరంగా ఉండటం ఎంత ముఖ్యమో కూడా ఇది గుర్తుచేస్తోంది. నిరంతరం ఫోన్ చూడటం, అంతులేని స్క్రోలింగ్‌, వరుస నోటిఫికేషన్లు, ప్రతి విషయాన్ని తెలుసుకోవాలనే ఒత్తిడి వంటివి నిద్ర, ఏకాగ్రత, భావోద్వేగ ఆరోగ్యంపై ప్రభావం చూపవచ్చు. ఇలాంటి సమయంలో డిజిటల్ డిటాక్స్ ఉపయోగపడుతుందని నిపుణులు సూచిస్తున్నారు.
T 5889,10,11,12 – apologies .. क्षमा प्रार्थी हूँ, कुछ दिनों के लिए आराम और सँवरने का समय निकालने को कहा गया है सो कुछ लिख नहीं पा रहा हूँ ..
— Amitabh Bachchan (@SrBachchan) October 21, 2026
Also Read:ఆదిలాబాద్ సిమెంట్ పరిశ్రమ నేలమట్టం