ప్ర‌తి సంక్రాంతికి పెద్ద హీరోల సినిమాలు సంద‌డి చేయ‌నున్న సంగ‌తి తెలిసిందే. ఈసంక్రాంతికి కూడా మూడు పెద్ద హీరోల సినిమాలు విడుద‌లకానున్నాయి.రామ్ చ‌ర‌ణ్ బోయ‌పాటి కాంబినేష‌న్ లో తెర‌కెక్కిన విన‌య విధేయ రామ సంక్రాంతికి విడుద‌ల కానుంది. అలాగే ఎన్టీఆర్ జీవిత చ‌రిత్ర ఆధారంగా తెర‌కెక్కిన ఎన్టీఆర్ క‌థానాయ‌కుడు కూడా జ‌న‌వ‌రి 9న విడుద‌ల కాగా విక్ట‌రీ వెంక‌టేష్ , వ‌రుణ్ తేజ్ లు న‌టించిన ఎఫ్ 2 చిత్రం జ‌న‌వ‌రి 12న విడుద‌ల కానుంది. ఈమూడు సినిమాల మ‌ధ్య చాలా గ‌ట్టిపోటీ ఉంద‌ని చెప్పుకోవాలి.
సంక్రాంతి పండ‌గ‌కు విడుద‌ల కానున్న సినిమాల గురించి స్పందించాడు చ‌ర‌ణ్. సంక్రాంతి బ‌రిలో రెండు సినిమాలు రిలీజ్ అయినా పెద్ద‌గా ఇబ్బంది ఉండ‌ద‌ని..ఒక వారం గ్యాప్ త‌ర్వాత మ‌రో సినిమాను విడుద‌ల చేసినా బాక్స్ ఆఫీస్ వ‌ద్ద క్లిక్ అవుతాయ‌ని చెప్పారు. బాల‌కృష్ణ న‌టించిన ఎన్టీఆర్ బ‌యోపిక్ గౌర‌వించాల్సిన సినిమా అని ఆ చిత్రాన్ని క్రిష్ ఎంతో బాధ్య‌తతో తెర‌కెక్కించార‌ని చెప్పారు. నేను కూడా ఆ సినిమా చూసేందుకు వెయిట్ చేస్తున్నాని తెలిపారు. ఈసంద‌ర్భంగా సంక్రాంతికి విడుద‌ల అవుతున్న సినిమాల‌న్నీ విజ‌యం సాధించాల‌ని కోరుకుంటున్నాన‌ని చెప్పాడు.
