మళ్లీ కేసీఆరే సీఎంగా రావాలి..

తెలంగాణలో వచ్చే అసెంబ్లీ ఎన్నికల కోసం టీఆర్‌ఎస్‌ ప్రచార జోరు కొనసాగిస్తోంది. ప్రజలంతా కేసీఆర్‌కే మా ఓటు అంటు ఊరూరా..వాడ వాడలా ప్రతిజ్ఞ చేస్తున్నారు. అంతే కాదు పలువు సిని ప్రముఖులు కూడా మళ్లీ కేసీఆరే సీఎం కావాలని కోరుకుంటు తమ మద్దతును తెలుపుతున్నారు. ఈ నేపథ్యంలో తన పూర్తి మద్దతు తెరాసకేనని సీనియర్‌ హీరో సుమన్‌ తెలిపారు. విశాఖ నగరంలో కరాటే ఛాంపియన్‌షిప్‌ పోటీలను ప్రారంభించేందుకు వచ్చిన మీడియాకు ముఖంగా కేసీఆర్‌కు మద్దతు తెలిపారు.

మీడియాతో సుమన్‌ మాట్లాడుతూ.. తెలంగాణ రాష్ట్రం సాధించడానికి కేసీఆర్‌ చేసిన పోరాటం చరిత్రలో నిలిచిపోతుందన్నారు. వచ్చే ఎన్నికల్లో తన మద్దతు తెరాసకే ఉంటుందని.. కేసీఆర్‌ పాలనలో తెలంగాణ ఎంతో అభివృద్ధి చెందిందని తెలిపారు. తెలంగాణ ముఖ్యమంత్రిగా మళ్లీ కేసీఆరే రావాలని భగవంతుడిని ప్రార్థిస్తున్నట్లు చెప్పారు.