రాజమౌళి విషయంలో నేను చెప్పిందే జరిగింది!

రాజమౌళి విషయంలో తాను చెప్పిందే జరిగిందని నటుడు భాను చందర్ అన్నారు. తెలుగుతో పాటు వివిధ భాషల్లో నటుడిగా మంచి గుర్తింపు తెచ్చుకున్న భాను చందర్…ఈ సందర్భంగా ఆసక్తికర విషయాలు వెల్లడించారు.

రాజ‌మౌళి డైరెక్ష‌న్లో వ‌చ్చిన సింహాద్రి సినిమా చేస్తున్న‌పుడు..ఈ సినిమా సూప‌ర్ హిట్ అని, నువ్వు సెన్సేష‌న‌ల్ డైరెక్టర్‌వు అవుతావ‌ని చెప్పాను. ఇపుడ‌దే జ‌రిగిందన్నారు. సినిమాను ఎలా తీయాలో..దాన్ని ఎలా ప్ర‌మోట్ చేసి..మార్కెటింగ్ చేయాలో తెలిసిన గ్రేట్ డైరెక్ట‌ర్ రాజ‌మౌళి అని కొనియాడారు.

ముంబైలో ఉన్న రోజుల్లో మ్యూజిషియ‌న్‌గా ప‌నిచేశాన‌ని…త‌న‌కు అదే స‌మ‌యంలో డ్ర‌గ్స్ అల‌వాటు కూడా అయింద‌ని, మార్ష‌ల్ ఆర్ట్స్ వ‌ల్లే డ్ర‌గ్స్ నుంచి బ‌య‌ట ప‌డ‌గ‌లిగాన‌ని అన్నాడు. ఇనిస్టిట్యూట్‌లో నాకు ర‌జినీకాంత్ సీనియ‌ర్, చిరంజీవి జూనియ‌ర్ అని మా అంద‌రికీ స్పూర్తి ర‌జినీకాంతేన‌ని చెప్పుకొచ్చాడు.