ఢిల్లీ పోలీసులపై CJP వ్యవస్థాపకుడు అభిజీత్ దీప్కే తీవ్ర ఆరోపణలు చేశారు. తనను అరెస్టు చేసిన సమయంలో చట్టపరంగా తనకు ఉన్న హక్కులను నిరాకరించారని ఆరోపించారు. కనీసం తన న్యాయవాదితో మాట్లాడేందుకు కూడా అవకాశం ఇవ్వలేదని, ఫోన్ సైతం అందుబాటులోకి రానివ్వలేదని పేర్కొన్నారు. ఈ వ్యవహారంలో ఢిల్లీ పోలీసుల తీరుపై ఆయన తీవ్ర అసహనం వ్యక్తం చేశారు.
తన అరెస్టు సమయంలో చోటుచేసుకున్న పరిణామాలకు సంబంధించిన ఎడిట్ చేసిన వీడియోలను కాకుండా, పూర్తి వీడియోను విడుదల చేయాలని అభిజీత్ దీప్కే డిమాండ్ చేశారు. అసలు ఏం జరిగిందో ప్రజలకు స్పష్టంగా తెలియాలంటే ఘటనకు సంబంధించిన పూర్తి దృశ్యాలను బయటపెట్టాలని కోరారు. ఎడిట్ చేసిన వీడియోల ద్వారా వాస్తవాలు పూర్తిగా వెల్లడికావని ఆయన అభిప్రాయపడ్డారు.
తాను ఎక్కడ ఉన్నాననే విషయాన్ని తన కుటుంబ సభ్యులకు కూడా తెలియజేయలేదని అభిజీత్ దీప్కే ఆరోపించారు. అరెస్టు సమయంలో తనకు అవసరమైన న్యాయ సహాయం పొందే అవకాశాన్ని కల్పించలేదని ఆవేదన వ్యక్తం చేశారు. తనతో పాటు కుటుంబ సభ్యులు కూడా తీవ్ర మానసిక వేదనకు గురయ్యారని పేర్కొన్నారు.
చట్టాన్ని అమలు చేయాల్సిన పోలీసులే ఒక వ్యక్తి ప్రాథమిక హక్కులను గౌరవించకపోవడం ఏమిటని ఆయన ప్రశ్నించారు. అరెస్టు సమయంలో చట్టపరమైన విధానాలను పాటించాల్సిన బాధ్యత పోలీసులపై ఉందని, తన విషయంలో మాత్రం అందుకు విరుద్ధంగా వ్యవహరించారని ఆరోపించారు.
తనకు ఎదురైన అనుభవాన్ని ప్రస్తావిస్తూ ఢిల్లీ పోలీసులకు మానవత్వం లేదా? అని అభిజీత్ దీప్కే ప్రశ్నించారు. ఈ ఘటనకు సంబంధించిన పూర్తి వివరాలు, పోలీసుల స్పందన వెలుగులోకి రావాల్సి ఉంది.
Also Read:టీ20ల్లో తిలక్ అరుదైన ఘనత..