టాలీవుడ్ సూప‌ర్ స్టార్ మహేశ్ బాబు ప్ర‌స్తుతం మహర్షి సినిమా షూటింగ్ లో బిజీగా ఉన్నాడు. వంశీ పైడిప‌ల్లి ద‌ర్శ‌క‌త్వం వ‌హిస్తున్న ఈమూవిలో మహేశ్ స‌ర‌స‌న పూజా హెగ్డే న‌టిస్తోంది. అల్ల‌రి న‌రేష్ ఈచిత్రంలో ప్ర‌త్యేక‌మైన పాత్ర‌లో కనిపించ‌నున్నారు. ప్ర‌ముఖ నిర్మాతలు దిల్ రాజు, అశ్వినీద‌త్ లు సంయుక్తంగా నిర్మిస్తున్నారు. ఈ సినిమా, రీసెంట్ గా మరో షెడ్యూల్ ను పూర్తిచేసుకుంది. ఏప్రిల్ లో ఈమూవీని విడుదల చేసేందుకు స‌న్నాహాలు చేస్తున్నారు.
ఈమూవి త‌ర్వాత మహేశ్ సుకుమార్ ద‌ర్శ‌క‌త్వంలో చేయ‌నున్నాడ‌ని వార్తలు వ‌చ్చిన విష‌యం తెలిసిందే. అయితే తాజాగా సుకుమార్ మహేశ్ కి స్టోరీ వినిపించాడ‌ట. ఆ స్టోరీ న‌చ్చ‌క‌పోవ‌డంతో నిర్మొహ‌మాటంగా మహేశ్ నో చెప్పేశాడ‌ని టాక్. ‘మహర్షి’ సినిమా షూటింగు పూర్తయ్యేలోగా సుకుమార్ ఒప్పించలేకపోతే, మరో దర్శకుడికి మహేశ్ బాబు గ్రీన్ సిగ్నల్ ఇచ్చే అవకాశాలు ఉన్నాయంటున్నాయి సినీ వ‌ర్గాలు. సుకుమార్ మహేశ్ తో గ‌తంలో నెంబర్ 1 నెనోక్క‌డినె సినిమా చేసిన విష‌యం తెలిసిందే.
