మెగా ఫ్యామిలీకి క‌లిసొచ్చిన ద‌ర్శ‌కుల‌లో వి.వి.వినాయక్ ఒక‌రు. మెగాస్టార్ చిరంజీవితో ‘ఠాగూర్‌’, ‘ఖైదీ నెం.150’ వంటి విజ‌య‌వంత‌మైన చిత్రాల‌ను రూపొందించిన ఆయ‌న.. అల్లు అర్జున్‌తో ‘బ‌న్ని’ వంటి హిట్ చిత్రాన్ని తెర‌కెక్కించారు. అలాగే రామ్‌చ‌ర‌ణ్‌తో ‘నాయ‌క్’ అనే స‌క్సెస్‌ఫుల్ మూవీని రూపొందించారు.
ప్రస్తుతం మరో మెగాహీరో సాయిధరమ్ తేజ్ హీరోగా వినాయక్ ‘ఇంటెలిజెంట్’ అనే చిత్రం తెరకెక్కిస్తున్నాడు. నిర్మాత సి.కల్యాణ్ ఈ సినిమా గురించి మాట్లాడుతూ, మాస్ యాక్షన్ ఎంటర్టైనర్ గా ఈ సినిమా తెరకెక్కుతోందని. ఈ మూవీ షూటింగ్‌లో భాగంగా ప్రస్తుతం పబ్ సాంగ్ చిత్రీకరణ జరుగుతోందనీ, ఈ నెల 25తో ఇది పూర్తవుతుందని తెలిపారు.
ఈ పాటతో ఈ సినిమాకి సంబంధించిన షూటింగ్ పార్టు మొత్తం పూర్తవుతుందని అన్నారు. సాయిధరమ్ తేజ్ యాక్షన్ .. లావణ్య త్రిపాఠి గ్లామర్ ఈ సినిమాకి ప్రత్యేక ఆకర్షణగా నిలుస్తాయని చెప్పారు. ఫిబ్రవరి 9వ తేదీన ఈ సినిమాను విడుదల చేయనున్నామని అన్నారు. కొంతకాలంగా సరైన హిట్ లేక డీలాపడిపోయిన సాయిధరమ్ తేజ్ కి, ఈ సినిమా అయినా హిట్ ఇస్తుందేమో చూడాలి.
