 ఉద్గార ప్రమాణాలకు అనుగుణంగా లేని){kind=link}
దేశ రాజధాని ఢిల్లీలో వాయు కాలుష్యాన్ని నియంత్రించేందుకు ప్రభుత్వం కీలక నిర్ణయం తీసుకుంది. నవంబర్ 1, 2026 నుంచి బీఎస్‌-6 (BS-VI) ఉద్గార ప్రమాణాలకు అనుగుణంగా లేని వాహనాలపై ప్రవేశ ఆంక్షలు విధించనుంది. ఈ నిర్ణయంతో ఢిల్లీ చుట్టుపక్కల జాతీయ రాజధాని ప్రాంతం (ఎన్‌సీఆర్‌) పరిధిలోని 10 లక్షలకు పైగా వాహనాలపై ప్రభావం పడే అవకాశం ఉంది. ఈ ఆంక్షలు 2027 జనవరి 31 వరకు అమల్లో ఉండనున్నాయి.
ఢిల్లీ రవాణా శాఖ అంచనాల ప్రకారం.. గురుగ్రామ్, ఫరీదాబాద్, నోయిడా, గ్రేటర్ నోయిడా, ఘజియాబాద్ ప్రాంతాల్లో బీఎస్‌-6 ప్రమాణాలకు అనుగుణంగా లేని వాహనాలు పెద్ద సంఖ్యలో ఉన్నాయి. వీటిలో పాత పెట్రోల్, డీజిల్ వాహనాలు ఎక్కువగా ఉన్నాయి.
గురుగ్రామ్, ఫరీదాబాద్ ప్రాంతాల్లో దాదాపు 2 లక్షల వాహనాలు బీఎస్‌-6 ప్రమాణాలకు అనుగుణంగా లేవు. నోయిడా, గ్రేటర్ నోయిడాలో కలిపి 4 లక్షలకు పైగా వాహనాలు ఈ ప్రమాణాలను అందుకోవడం లేదు. ఘజియాబాద్‌లోనూ సుమారు 4 లక్షల వాహనాలు ఈ జాబితాలో ఉన్నట్లు అధికారులు అంచనా వేస్తున్నారు. దీంతో ప్రతిరోజూ ఉద్యోగాలు, వ్యాపారాల కోసం ఢిల్లీకి రాకపోకలు సాగించే వాహనదారులు ఇబ్బందులు ఎదుర్కొనే అవకాశం ఉంది.
ఢిల్లీ వెలుపల రిజిస్టర్ అయి, బీఎస్‌-6 ప్రమాణాలకు అనుగుణంగా లేని పెట్రోల్, డీజిల్ వాహనాల ప్రవేశంపై ఈ ఆంక్షలు వర్తిస్తాయి. అయితే కొన్ని వాహనాలకు మినహాయింపులు కల్పించారు.
– సీఎన్‌జీ వాహనాలు: ఈ ఆంక్షల నుంచి మినహాయింపు ఉంటుంది.
– ఎలక్ట్రిక్ వాహనాలు: వీటికి కూడా మినహాయింపు వర్తిస్తుంది.
– బీఎస్‌-6 వాహనాలు: ఢిల్లీ వెలుపల రిజిస్టర్ అయినప్పటికీ, నిర్ణీత ఉద్గార ప్రమాణాలకు అనుగుణంగా ఉంటే ఈ ప్రత్యేక ఆంక్షలు వర్తించవు.
Also Read:ఫౌజీ వివాదం..నేతాజీ కుటుంబం ఆగ్రహం!
– అత్యవసర సేవల వాహనాలు: అంబులెన్స్‌లు, అగ్నిమాపక వాహనాలు సహా నిర్దేశిత అత్యవసర వాహనాలకు మినహాయింపులు ఉంటాయి.
ఢిల్లీ సరిహద్దుల్లో వాహనాల తనిఖీలను కట్టుదిట్టం చేయనున్నారు. వాహనాల నంబర్ ప్లేట్లను గుర్తించే ఏఐ ఆధారిత ఆటోమేటిక్ నంబర్ ప్లేట్ రికగ్నిషన్ (ANPR) కెమెరాల ద్వారా నిబంధనలకు విరుద్ధంగా ఉన్న వాహనాలను గుర్తించే ఏర్పాట్లు చేస్తున్నారు. నోయిడా, గురుగ్రామ్, ఘజియాబాద్ నుంచి ఢిల్లీలోకి వచ్చే మార్గాల్లో తనిఖీలు చేపట్టనున్నారు.