అక్టోబర్ 15 నుంచి UPI చెల్లింపుల వ్యవస్థలో ఒక ముఖ్యమైన మార్పు రాబోతోంది. రూ. 2,000 కంటే ఎక్కువ విలువైన మర్చంట్ లావాదేవీలపై 0.4 శాతం మర్చంట్ డిస్కౌంట్ రేట్ (MDR) అమల్లోకి రానుంది. ఈ నిర్ణయంతో సాధారణ ప్రజలపై ఆర్థిక భారం పడుతుందేమోనన్న అనుమానాలు వ్యక్తమవుతున్నప్పటికీ, వినియోగదారులకు ఎప్పటిలాగే సేవలు ఉచితంగానే అందుతాయని నేషనల్ పేమెంట్స్ కార్పొరేషన్ ఆఫ్ ఇండియా (NPCI) మరియు కేంద్ర ఆర్థిక మంత్రిత్వ శాఖ స్పష్టం చేశాయి.
ఈ కొత్త నిబంధనల ప్రకారం, ఒక వ్యక్తి వ్యాపారికి (P2M) రూ. 2,000 కంటే ఎక్కువ చెల్లించినప్పుడు మాత్రమే సదరు వ్యాపారి 0.4 శాతం MDR ఫీజును చెల్లించాల్సి ఉంటుంది. ఒకవేళ లావాదేవీ మొత్తం రూ. 75,000 లేదా అంతకంటే ఎక్కువ ఉంటే, ఈ రుసుమును గరిష్టంగా రూ. 300 వద్ద పరిమితం (Cap) చేశారు. అయితే, సాధారణ వ్యక్తుల మధ్య జరిగే (P2P) డబ్బుల బదిలీలకు, సొంత బ్యాంక్ ఖాతాల మధ్య జరిగే డిజిటల్ లావాదేవీలకు ఈ నిబంధన వర్తించదు. కుటుంబ సభ్యులకు డబ్బు పంపడం, ఫ్రెండ్స్తో బిల్లులు పంచుకోవడం వంటి రోజువారీ అవసరాలన్నీ ఎప్పటిలాగే ఉచితంగానే కొనసాగుతాయి.
వ్యాపారులకు సైతం రూ. 2,000 లోపు జరిగే చిన్న మొత్తాల చెల్లింపులపై ఎలాంటి MDR ఛార్జీలు వర్తించవు. మన దేశంలో జరిగే మొత్తం మర్చంట్ UPI లావాదేవీల్లో 95 శాతానికి పైగా రూ. 2,000 లోపే ఉంటాయి కాబట్టి, సేకరించే ఈ ఛార్జీల ప్రభావం చిన్న వ్యాపారులపై పడదు. నిరంతరం పెరుగుతున్న UPI నెట్వర్క్ భద్రత, సాంకేతిక మౌలిక వసతుల నిర్వహణ ఖర్చుల కోసం ఈ విధానాన్ని తెచ్చారు.
Also Read:కాంగ్రెస్ పథకాలు..ట్రంప్ కాపీ!
జిటల్ చెల్లింపుల రంగానికి అవసరమైన మౌలిక వసతులు, భద్రత మరియు నెట్వర్క్ నిర్వహణ కోసం అయ్యే ఖర్చులను భరించడానికి ఈ MDR ఉపయోగపడుతుంది. క్రెడిట్/డెబిట్ కార్డులతో పోలిస్తే UPI MDR చాలా తక్కువగా ఉంటుంది.