ఐరోపా దేశాలతో సంబంధాలను మరింత బలోపేతం చేసుకోవడం మరియు భాగస్వామ్యాలను పటిష్టం చేసుకునే లక్ష్యంతో ప్రధానమంత్రి నరేంద్ర మోదీ శనివారం ఫ్రాన్స్ అధికారిక పర్యటనకు మరియు స్లోవేకియా దేశాల పర్యటనకు పయనమయ్యారు. ఫ్రాన్స్ అధ్యక్షుడు ఇమ్మాన్యుయేల్ మాక్రాన్ ఆహ్వానం మేరకు ప్రధాని మోదీ ఫ్రాన్స్లో, అలాగే స్లోవాక్ రిపబ్లిక్ ప్రధానమంత్రి రాబర్ట్ ఫికో ఆహ్వానం మేరకు స్లోవేకియాలో పర్యటిస్తున్నారు.
ఈ ఏడాది ఆరంభంలో ప్రెసిడెంట్ మాక్రాన్ భారతదేశాన్ని సందర్శించారు. ఇద్దరం గ్లోబల్ స్ట్రాటజిక్ పార్టనర్షిప్ పై చర్చించామని తెలిపారు మోదీ.
జూన్ 14, 2026న నీస్ నగరంలో ప్రెసిడెంట్ మాక్రాన్తో కలిసి తాను ‘భారత్ ఇన్నోవేట్స్’ కార్యక్రమాన్ని ప్రారంభించనున్నట్లు మోదీ తెలిపారు. భారత-ఫ్రాన్స్ ఆవిష్కరణల సంవత్సరం నేపథ్యంగా జరుగుతున్న ఈ మైలురాయి వంటి ఈవెంట్, భారతదేశపు అత్యంత ప్రతిభావంతమైన స్టార్ట్-అప్లను గ్లోబల్ ఇన్వెస్ట్మెంట్తో (ప్రపంచ పెట్టుబడులతో) అనుసంధానిస్తుంది. భారతదేశ ఉన్నత విద్యా వ్యవస్థ నుండి వచ్చే ఆవిష్కరణలకు ఇది ఒక పెద్ద ఉత్ప్రేరకంగా పనిచేస్తుంది అని పేర్కొన్నారు.
నీస్ నుండి ఆయన జూన్ 14-15 తేదీల్లో స్లోవాక్ రిపబ్లిక్లో పర్యటిస్తారు. 1993లో స్లోవేకియాకు స్వాతంత్ర్యం వచ్చిన తర్వాత ఒక భారత ప్రధాని అక్కడ పర్యటించడం ఇదే తొలిసారి కావడం విశేషం. ఈ చారిత్రాత్మక పర్యటన మా ద్వైపాక్షిక సంబంధాల బలాన్ని మరింత పెంచుతుంది. బ్రాటిస్లావా లో ప్రెసిడెంట్ పెల్లెగ్రిని మరియు ప్రధానమంత్రి ఫికోలతో చర్చలు జరపడానికి నేను ఎదురుచూస్తున్నాను. స్లోవాక్ వ్యాపార ప్రముఖులతో సంభాషించే అవకాశం కూడా నాకు లభిస్తుంది. భారత్-ఈయూ స్వేచ్ఛా వాణిజ్య ఒప్పందం అందించిన ఉత్సాహంతో ఈ పర్యటన యూరోపియన్ యూనియన్తో మా వ్యూహాత్మక భాగస్వామ్యానికి మరింత శక్తిని ఇస్తుంది. ఇందులో స్లోవేకియా ఒక ముఖ్యమైన మరియు విలువైన సభ్యదేశం అని ప్రధాని మోదీ అన్నారు.
Also Read:రోజు పదివేల అడుగులు నడుస్తున్నారా?
ఫ్రాన్స్ మరియు స్లోవాక్ రిపబ్లిక్ పర్యటనలు ఐరోపా మరియు జి7 దేశాలతో భారతదేశం యొక్క సంబంధాలను మరింత బలోపేతం చేస్తాయని, ఆ ఖండంతో మరియు ఇతర దేశాలతో మా భాగస్వామ్యాల పరిధిని విస్తరించడానికి మా నిరంతర నిబద్ధతను చాటుతాయని నేను నమ్ముతున్నాను అని ప్రధాని మోదీ చెప్పారు.