బల పరీక్షలో నెగ్గిన విజయ్ సర్కారు

తమిళనాడు అసెంబ్లీ బలపరీక్ష: టీవీకే (TVK) కి మద్దతు ప్రకటించిన కాంగ్రెస్, సీపీఐ(ఎం), వీసీకే, ఐయూఎంఎల్ తమిళనాడు అసెంబ్లీలో ముఖ్యమంత్రి విజయ్ నేతృత్వంలోని తమిళగ వెట్రి కజగం (TVK) ప్రభుత్వానికి మిత్రపక్షాలు పూర్తి స్థాయిలో అండగా నిలిచాయి. ప్రభుత్వం తన మెజారిటీని నిరూపించుకోవడానికి సిద్ధమైన తరుణంలో, మిత్రపక్షాలైన కాంగ్రెస్, సీపీఐ(ఎం), వీసీకే మరియు ఐయూఎంఎల్ పార్టీలు అధికారికంగా తమ మద్దతును ప్రకటించాయి.

అసెంబ్లీలో బలపరీక్ష ప్రారంభానికి ముందే, మిత్రపక్షాల ఎమ్మెల్యేలు ముఖ్యమంత్రి విజయ్ పట్ల తమ విశ్వాసాన్ని వ్యక్తం చేశారు. ప్రభుత్వ స్థిరత్వం కోసం తామంతా కలిసికట్టుగా ఉన్నామని పేర్కొన్నారు.

ప్రధాన మిత్రపక్షాల వాదన: రాష్ట్ర ప్రయోజనాల దృష్ట్యా మరియు ప్రజలు ఇచ్చిన తీర్పును గౌరవిస్తూ విజయ్ ప్రభుత్వానికి మద్దతు ఇస్తున్నట్లు కాంగ్రెస్ మరియు ఇతర వామపక్ష పార్టీల ప్రతినిధులు సభలో వెల్లడించారు. TVK ప్రభుత్వానికి 144 మంది మద్దతు ప్రకటించారు. బల నిరూపణకు అవసరమైన మద్దతు కంటే ఎక్కువ సపోర్ట్ కూడగట్టారు విజయ్.

విజయ్‌కు వ్యతిరేకంగా కేవలం 22 మంది ఓటు వేయగా మిత్రపక్షాల మద్దతుతో సులువుగా గట్టెక్కింది విజయ్ సర్కారు. 2026 అసెంబ్లీ ఎన్నికల తర్వాత వచ్చిన ఈ మార్పుల నేపథ్యంలో, విపక్షాల ఎత్తుగడలను తిప్పికొడుతూ విజయ్ ప్రభుత్వం తన పట్టును నిరూపించుకోవడంలో ఈ మిత్రపక్షాల మద్దతు అత్యంత కీలకంగా మారింది.

Also Read:Modi: ప్రధాని కాన్వాయ్ కుదింపు