ప్రధానమంత్రి నరేంద్ర మోదీ బుధవారం తన పార్లమెంటరీ నియోజకవర్గమైన వారణాసిలో పర్యటించారు. ఈ సందర్భంగా ఆయన ప్రసిద్ధ పుణ్యక్షేత్రమైన కాశీ విశ్వనాథ ఆలయాన్ని సందర్శించి, బాబా విశ్వనాథునికి ప్రత్యేక పూజలు నిర్వహించారు.
ప్రధాని ఆలయానికి చేరుకున్న సమయంలో వేద పండితులు మంత్రోచ్ఛారణలతో ఆయనకు ఘన స్వాగతం పలికారు. ఆలయ ప్రాంగణమంతా భక్తిభావంతో నిండిపోయింది. దేశాభివృద్ధిని, ప్రజల శ్రేయస్సును కాంక్షిస్తూ మోదీ గర్భాలయంలో సంప్రదాయబద్ధంగా పూజా కార్యక్రమాలు నిర్వహించారు.
ఆలయ సందర్శన అనంతరం, అక్కడకు చేరుకున్న స్థానికులు మరియు భక్తులకు ప్రధాని అభివాదం చేశారు. మోదీని చూసేందుకు పెద్ద ఎత్తున ప్రజలు తరలివచ్చారు. ప్రధాని పర్యటన దృష్ట్యా వారణాసిలో పోలీసులు భారీ భద్రతా ఏర్పాట్లు చేశారు. ఆలయ పరిసర ప్రాంతాల్లో కట్టుదిట్టమైన నిఘా ఉంచారు.
వారణాసి నుండి మోదీ ఎంపీగా ఉన్న సంగతి తెలిసిందే.
Also Read:ఏపీ కేబినెట్ భేటీ..కొత్త పెన్షన్లపై చర్చ