హార్ముజ్ జలసంధిలో పెరుగుతున్న ఉద్రిక్తతల నేపథ్యంలో భారత నేవి కీలక నిర్ణయం తీసుకుంది. Strait of Hormuz ప్రాంతంలో ముప్పు పెరుగుతున్న పరిస్థితుల్లో, భారతదేశానికి ముడి చమురు మరియు గ్యాస్ను తీసుకువచ్చే వాణిజ్య నౌకలకు నేవీ ఎస్కార్ట్ కల్పిస్తోంది.
ప్రపంచ చమురు సరఫరాలో కీలక మార్గంగా ఉన్న ఈ జలసంధిలో భద్రతా ఆందోళనలు పెరిగిన నేపథ్యంలో, భారత ప్రభుత్వం ముందస్తు జాగ్రత్తలు చేపట్టింది. ముఖ్యంగా ఆయిల్ ట్యాంకర్లు సురక్షితంగా తమ గమ్యస్థానాలకు చేరుకునేలా రెండు యుద్ధనౌకల టాస్క్ ఫోర్స్లను నియమించింది.
ఈ టాస్క్ ఫోర్స్లు నౌకల ప్రయాణాన్ని దగ్గరగా పర్యవేక్షిస్తూ, ఎలాంటి ప్రమాదం తలెత్తినా వెంటనే స్పందించే విధంగా సిద్ధంగా ఉంటాయి. వాణిజ్య నౌకలపై దాడులు, డ్రోన్ ముప్పులు, సముద్ర భద్రతా సమస్యలను దృష్టిలో ఉంచుకుని ఈ చర్యలు తీసుకున్నట్లు కేంద్ర ఉన్నత వర్గాలు వెల్లడించాయి.
భారతదేశానికి ముడి చమురు దిగుమతుల్లో హార్ముజ్ జలసంధి కీలక పాత్ర పోషిస్తుంది. అందువల్ల ఈ మార్గం సురక్షితంగా ఉండటం దేశ ఆర్థిక వ్యవస్థకు ఎంతో ముఖ్యమైంది.
ఈ నిర్ణయం ద్వారా కీలక షిప్పింగ్ మార్గాలను రక్షించడంతో పాటు, అంతర్జాతీయ సముద్ర భద్రతలో భారతదేశం బాధ్యతాయుత పాత్ర పోషిస్తున్నట్లు స్పష్టమవుతోంది.
Also Read:ఖమేనీకి రక్షణగా నోపో బ్లాక్ క్యాట్స్!