- Advertisement -
ప్రభాస్ – శృతి హాసన్ కాంబోలో డిసెంబర్ 22 న రాబోతుంది సలార్ మూవీ. వచ్చే వారం నుంచి ఈ సినిమా ప్రమోషన్స్ ను ఫుల్ స్వింగ్ లో నడపడానికి కసరత్తులు చేస్తోంది టీం. ప్యాన్ ఇండియా మూవీగా ఈ చిత్రాన్ని విడుదలయ్యే ప్రతి భాషలో భారీగా ప్రమోట్ చేయడానికి సలార్ టీమ్ భారీగా ప్లాన్ చేస్తోంది. తాజాగా మేకర్స్ సలార్ సెకండ్ ట్రైలర్ ని కూడా విడుదల చేయాలని డిసైడ్ అయ్యారట. స్నేహితుల అనుబంధంతో ఈ రెండో ట్రైలర్ కట్ ఉంటుందట. హీరోయిన్ శ్రుతి హాసన్ తో ప్రభాస్ రొమాన్స్ అన్ని ఈ ట్రైలర్ లో హైలెట్ చేస్తారట. పైగా ఈ సినిమా ఫుల్ మాస్ ఎలిమెంట్స్ తో రాబోతుంది.
దీనికితోడు తెలుగు ప్రేక్షకులకు సహజంగానే యాక్షన్ సినిమాలు అంటే మోజు ఎక్కువ. పైగా కేజీఎఫ్ తో బాక్సాఫీస్ ను ఊపేశాడు ప్రశాంత్‌ నీల్‌. అందుకు తగ్గట్టుగానే ఈ సినిమా పై భారీ క్రేజ్ ఉంది. బహుశా ఏ పాన్ ఇండియా సినిమాకి లేనంత క్రేజ్ ఉంది. అటు నార్త్ అమెరికాలో ఆల్ రెడీ అడ్వాన్స్ బుకింగ్స్ ప్రారంభమయ్యాయి. డిమాండ్ రీత్యా టికెట్ రేట్లను డబుల్ చేశారు. అయినా ఫ్యాన్స్ ఎగబడుతున్నారు. టికెట్స్ ఓపెన్ చేస్తున్న అవర్స్ లోనే హౌస్ ఫుల్ బోర్డ్స్ పడుతున్నాయి. ఈ మధ్య కాలంలో ఏ సినిమాకు ఇంత క్రేజ్ రాలేదు అనేది నిజం. మరి సలార్ ప్రభాస్ సిని కెరీర్ లో ఏ స్థాయి హిట్ ను అందుకుంటుందో చూడాలి.
ఇప్పుడున్న అంచనాలను బట్టి.. సలార్ అరుదైన రికార్డును కూడా సాధించేలా ఉంది. యూఎస్ లో విడుదలైన ఇండియన్ సినిమాల్లో తొలి రెండు వారాల్లోనే అత్యధికంగా కలెక్షన్స్ రాబట్టిన సినిమాగా సలార్ నిలిచేలా ఉంది. ఈ విషయాన్ని యూఎస్ నుంచి బయ్యర్లు సోషల్‌ మీడియా వేదికగా చెబుతున్నారు. ఇక అన్ని భాషల్లో కలుపుకుంటే.. భారతదేశంలోనే అత్యధికంగా కలెక్షన్స్ ను రాబట్టిన చిత్రంగా కూడా సలార్ నిలుస్తోందట.
- Advertisement -
