పీపుల్స్ ప్లాజా వేదికగా 108, అమ్మఒడి.. మొత్తం 466 వాహనాలు ప్రారంభించారు సీఎం కేసీఆర్. అనంతరం ఆర్టీసి ఉద్యోగులు కలిసి సీఎం కేసీఆర్ కు కృతజ్ఞతలు తెలిపారు. జై కేసీఆర్ అంటూ నినాదాలు చేస్తూ సంతోషం వ్యక్తం చేశారు.
ఈ సందర్భంగా మాట్లాడిన హరీశ్ రావు… అత్యవసర సేవలు అందించే 466 అధునాతన వాహనాలను ఒకేరోజు ప్రవేశ పెట్టడం సంతోషంగా ఉందన్నారు. తెలంగాణ ఏర్పడే నాటికి 316 అంబులెన్సులు ఉంటే, ఇప్పుడు ఆ సంఖ్య 455 కు పెరిగిందన్నారు. గతంలో లక్ష మందికి ఒక 108 వాహనం ఉంటే.. ఇప్పుడు 75 వేలకు ఒక వాహనం అందుబాటులోకి వచ్చిందన్నారు.
అమ్మ ఒడి ద్వారా రోజుకు 4 వేల మందికి, 108 ద్వారా రోజుకు 2 వేల మందికి సేవలు అందుతున్నాయన్నారు. నియోజక వర్గానికి 100 పడకల ఆసుపత్రులను సీఎం కేసీఆర్ అమలు చేస్తున్నారన్నారు. జిల్లాకు ఒక మెడికల్ కాలేజ్, నాలుగు టీమ్స్, వరంగల్ హెల్త్ సిటీ ద్వారా ప్రభుత్వ ఆసుపత్రుల్లో 50 వేల పడకలు అందుబాటులోకి వచ్చాయన్నారు. కరోనా కాదు దాని తాత వచ్చినా ఎదుర్కొనెలా రాష్ట్ర వైద్య రంగం పటిష్టం అయిందన్నారు.
Also Read:లోకమాన్య..బాలగంగాధర్ తిలక్
మాకు ఎలాంటి అనారోగ్యం వచ్చినా కేసిఆర్ ప్రభుత్వం అండగా ఉన్నదనే భరోసా కలిగిందన్నారు. బిజెపి, కాంగ్రెస్ రాష్ట్రాల్లో స్కాములు ఉంటే.. తెలంగాణలో స్కీములు ఉన్నాయన్నారు. బిజెపి, కాంగ్రెస్ రాష్ట్రాల్లో కొట్లాటలు, కరెప్షన్ తప్ప అభివృద్ధి శూన్యం అన్నారు. ఆశ కార్యకర్తల సెల్ ఫోన్ బిల్లును ఇకపై ప్రభుత్వమే కడుతుందన్నారు. కొత్తగా హైదరాబాద్ పరిధిలో నియమితులైన ఆశాలకు స్మార్ట్ ఫోన్లు అందజేస్తామన్నారు. గతంలో అంబులెన్స్ సగటు సమయం 30 నిమిషాలు ఉంటే.. ఇప్పుడు 15 నిమిషాలకు తగ్గిందన్నారు. అంబులెన్స్ లను డైనమిక్ పొజిషన్ లో ఉంచాలని ప్రయత్నం చేస్తున్నాం అని… 108 ఉద్యోగుల వేతనాలు 4 స్లాబులుగా పెంచుతున్నాం అన్నారు.
Also Read:CM KCR:అమ్మ ఒడి వాహనాలు ప్రారంభం..
