మార్చి 27 మెగా పవర్ స్టార్ రామ్ చరణ్ పుట్టిన రోజు. చరణ్ పుట్టిన‌రోజు ద‌గ్గ‌ర ప‌డుతుండ‌టంతో అభిమానులు..బర్త్ డే కామ‌న్ డిస్‌ప్లే పోస్ట‌ర్ (CDP) ను విడుదల చేశారు. అల్లూరి గెట‌ప్‌లో ఉన్న చరణ్ లుక్ అభిమానుల‌ను అల‌రిస్తోంది. ఈ సందర్భంగా చరణ్ సోదరుడు వరుణ్ తేజ్.. గ్లోబల్ స్టార్..మా అన్నయ్య CDPని విడుదల చేయటం చాలా హ్యాపీగా ఉంది. విన‌య విధేయ‌త‌లు, హార్డ్ వ‌ర్క్‌తో ఆయ‌న మాలో ఎప్పుడూ స్ఫూర్తినింపుతుంటారు. లవ్ యు అన్న అంటూ వరుణ్ తేజ్ చెప్పుకొచ్చాడు.
ఇది ఇలా ఉంటే.. కొందరు మెగా ఫ్యాన్స్ ఆవేదన వ్యక్తం చేస్తున్నారు. సేవ్ రియల్ ఫ్యాన్స్.. రెస్పెక్ట్ సీనియర్ ఫ్యాన్స్ అనే నినాదంతో చిరంజీవి, రామ్‌చరణ్‌లను కలిసి తమ బాధలు చెప్పుకునేందుకు ఫ్యాన్స్ సిద్ధమవుతున్నట్లు తెలుస్తోంది. కొంతమంది చిరంజీవి అబిమానులు 2016లో ప్రారంభించిన అంతర్జాతీయ చిరంజీవి ఫెడరేషన్ సభ్యులకు ఇటీవల అవమానాలు జరుగుతున్నాయని ఆరోపిస్తున్నారు. రెండు రోజుల క్రితం జరిగిన రామ్ చరణ్ ఫోటో సెషన్ కి ఎటువంటి సమాచారం ఇవ్వకుండా మళ్ళీ అవమానించారన్నారు.
చరణ్ మాత్రం ఇవేమీ పట్టిచుకోకుండా తన కొత్త సినిమా పనుల్లో ఫుల్ బిజీగా ఉన్నాడు. రామ్ చరణ్, తన త‌ర్వాతి సినిమాను శంక‌ర్‌తో చేస్తున్న విషయం తెలిసిందే. ఈ సినిమా చరణ్ కెరీర్‌లో 15వ సినిమాగా తెర‌కెక్కుతుంది. దిల్ రాజు నిర్మాణంలో రూపొందుతున్న ఈ సినిమా కోసం శంషాబాద్ ద‌గ్గ‌ర భారీ స్టేడియం సెట్‌ను వేసిన‌ట్లు తెలుస్తుంది. ప్రస్తుతం ఈ సినిమా కోసం చరణ్ తన ఫుల్ డేట్స్ ను కేటాయించాడు. కాగా ఈ సినిమా టైటిల్, టీజ‌ర్‌ను చరణ్ బ‌ర్త్‌డే సందర్భంగా రిలీజ్ చేయ‌నున్నారు.
ఇవి కూడా చదవండి…
