సంక్రాంతి స్పెషల్ షో..4 గంటలకే

తెలుగు రాష్ట్రాల్లో సంక్రాంతి శోభ సంతరించుకుంది. పట్నం వదిలి పల్లెలకు కదిలేందుకు జనం సిద్ధమవుతుండగా ఇక బాక్సాఫీస్ వద్ద కూడా సంక్రాంతి పండగ కళ సంతరించుకుంది. ఈ సారి సంక్రాంతి రేసులో చిరు, బాలయ్య తలపడనుండగా ఎవరి సినిమా బాగుంటుందోనని అంతా ఆసక్తిగా ఎదురుచూస్తున్నారు.

ఇక సంక్రాంతి సందర్భంగా తెలంగాణలో ఉదయం 4 గంటలకే ఫస్ట్ షో పడనుంది. వీరసింహారెడ్డి, వాల్తేరు వీరయ్య చిత్రాలకు స్పెషల్ షోలు ప్రదర్శించేందుకు ప్రభుత్వం అమోదం తెలిపింది. దీంతో మొత్తం 6 షోలు వేయనున్నారు

ఏపీ ప్రభుత్వం సైతం టికెట్ ధరలు పెంచేందుకు సానుకూల నిర్ణయం తీసుకుంది. టికెట్ ధరలపై గరిష్ఠంగా రూ.45 వరకు పెంచుకునేందుకు పచ్చజెండా ఊపింది. బాలకృష్ణ నటించిన వీరసింహారెడ్డి జనవరి 12న విడుదల కానుండగా, చిరంజీవి నటించిన వాల్తేరు వీరయ్య జనవరి 13న ప్రేక్షకుల ముందుకు వస్తోంది.

ఇవి కూడా చదవండి..