ప్రస్తుతం తెలుగు బుల్లితెరపై టాక్‌ షోల కాలం నడుస్తోందనే చెప్పాలి. ఇప్పటికే పలువురు సెలెబ్రిటీలు చేసిన టాక్‌ షోలు గ్రాండ్ సక్సెస్‌ అయిన సంగతి తెలిసిందే. అటు ఆలీతో సరదాగా.. ఇటు మంచు లక్ష్మి చేసిన టాక్‌ షో.. అటు రానా చేసిన నెంబర్‌ వన్‌ యారీ.. ఇప్పుడు బాలకృష్ణ చేస్తున్న అన్‌ స్టాపబుల్‌ షో కూడా తిరుగులేని విజయాన్ని సొంతం చేసుకుందనే చెప్పాలి.
ఇప్పుడు బుల్లితెరపై మరో కొత్త షో సందడి చేయనున్నట్లు తెలుస్తోంది. ప్రముఖ యాంకర్‌ సుమ కనకాల హోస్ట్ గా ప్రముఖ ఛానెల్‌ లో సుమ అడ్డా పేరుతో ఈ షో ప్రసారం కాబోతున్నట్లు సమాచారం. ఇప్పటికే పలువురు సెలెబ్రిటీలు గెస్టులుగా పాల్గొన్నట్లు కూడా తెలుస్తోంది. తాజాగా మెగాస్టార్‌ చిరంజీవి కూడా ఈ షోలో గెస్ట్‌ గా పాల్గొన్నట్లు తెలుస్తోంది.
అయితే సుమ యాంకర్‌ గా చేస్తున్న ఈ షోలో చిరంజీవి పాల్గొననున్నారని వార్తలు రావడంతో ఈ విషయంపై పలువురు పలు రకాలుగా స్పందిస్తున్నారు. ఇప్పటి వరకు చిరంజీవి ఏ గేమ్‌ షోలో గెస్ట్‌ గా పాల్గొనలేదని.. ఇప్పుడు చిరంజీవి ఈ గేమ్‌ షోలో పాల్గొన్నారని టాక్‌ వినిపిస్తుండడంతో ఆయన అభిమానులతో పాటు తెలుగు ప్రేక్షకులు కూడా ఆసక్తిగా ఎదురుచూస్తున్నారు. అయితే చిరంజీవి తాజాగా నటించిన వాల్తేరు వీరయ్య సినిమా సంక్రాంతికి ప్రేక్షకుల ముందుకు రాబోతోంది. ఈ సినిమా ప్రమోషన్‌ లో భాగంగా చిరంజీవి ఈ షోలో పాల్గొన్నట్లు తెలుస్తోంది.
ఇవి కూడా చదవండి
