విభిన్నమైన కథలతో ప్రేక్షకులను అలరించే ప్రొడక్షన్ హౌస్‌గా పేరు గాంచిన అవంతిక ప్రొడక్షన్స్, ఇంతకుముందు ప్రత్యేకమైన కాన్సెప్ట్‌తో చేసిన థ్రిల్లర్ A(యాడ్ ఇన్ఫినిటమ్) చిత్రం తరహాలోనే ఇప్పుడు మరో వైవిధ్యభరిత చిత్రంతో రాబోతోంది. ఈ బ్యానర్ ప్రొడక్షన్ No 2 చిత్ర టైటిల్ లుక్‌ని తాజాగా రివీల్ చేశారు. ఈ చిత్రానికి ‘ఆక్ పాక్ కరేపాక్’ అనే టైటిల్‌ని ఖరారు చేశారు. ఈ టైటిల్ లుక్ పోస్టర్ చూస్తుంటేనే నవ్వు ఆగడం లేదంటే.. సినిమా ఇక ఏ రేంజ్‌లో ఉంటుందో అర్థం చేసుకోవచ్చు. క్రైమ్ కామెడీ జానర్‌లో తెరకెక్కబోతోన్న ఈ చిత్రాన్ని యుగంధర్ ముని దర్శకత్వంలో గీతా మిన్సాలా నిర్మించనున్నారు.
ఈ సందర్భంగా నిర్మాత గీతా మిన్సాలా మాట్లాడుతూ.. ఇంతకుముందు మా బ్యానర్‌లో చేసిన A (యాడ్ ఇన్ఫినిటమ్) చిత్రం కోసం పనిచేసిన సాంకేతిక నిపుణులతోనే ఈ చిత్రాన్ని తెరకెక్కిస్తున్నాము. ప్రస్తుతం నటీనటుల ఎంపిక జరుగుతోంది. క్రైమ్ కామెడీ జానర్‌లో.. రోజువారీ జీవితంలో మనం చూసే ఫన్నీ క్యారెక్టర్స్ సమాహారంగా.. వినోదమే ప్రధానంగా ఈ చిత్రం ఉంటుంది. పూర్తి వివరాలను త్వరలోనే తెలియజేస్తాము.. అని తెలిపారు.
ఈ చిత్రానికి
బ్యానర్: అవంతిక ప్రొడక్షన్స్,
నిర్మాత: గీతా మిన్సాలా,
కథ, దర్శకత్వం: యుగంధర్ ముని.
