దేశంలో 24 గంటల్లో 8,635 మందికి కరోనా పాజిటీవ్‌..

దేశంలో గత 24 గంటల్లో 8,635 మందికి కరోనా నిర్ధారణ అయింది. అదే స‌మ‌యంలో 13,423 మంది కోలుకున్నారు. కొత్త‌గా న‌మోదైన క‌రోనా కేసుల వివరాలను కేంద్ర వైద్య, ఆరోగ్య మంత్రిత్వ శాఖ ఈ రోజు ఉదయం విడుదల చేసింది. వాటి ప్రకారం దేశంలో నమోదైన మొత్తం కరోనా కేసుల సంఖ్య 1,07,66,245 కు చేరింది.

గడచిన 24 గంట‌ల సమయంలో 94 మంది కరోనా కారణంగా మృతి చెందారు. దీంతో మృతుల సంఖ్య 1,54,486కు పెరిగింది. దేశంలో కరోనా నుంచి ఇప్పటివరకు 1,04,48,406 మంది కోలుకున్నారు. 1,63,353 మందికి ప్రస్తుతం ఆసుపత్రులు, హోం క్వారంటైన్‌లలో చికిత్స అందుతోంది. ఇప్ప‌టివ‌ర‌కు 39,50,156 మందికి వ్యాక్సిన్ వేశారు.