టాలీవుడ్‌ ఆల్ టైమ్ హిట్ మూవీల్లో ఒకటి గ్యాంగ్ లీడర్. మెగాస్టార్ చిరంజీవి సినీ ప్రస్ధానంలో టాప్ మూవీల్లో ఒకటిగా గ్యాంగ్ లీడర్ నిలవగా విజయ బాపినీడు దర్శకత్వంలో, మాగంటి రవీంద్రనాథ్ చౌదరి నిర్మించిన ఈ సినిమా అప్పట్లో ఓ సెన్సేషన్. చిరుకు మాస్ ఇమేజ్ తీసుకొచ్చిన ఈ సినిమాలో తన మెస్మరైజింగ్ పర్ఫార్మెన్స్, అన్నదమ్ములుగా మురళీమోహన్‌,శరత్ కుమార్‌ల నట,చిరు, విజయశాంతిల కెమిస్ట్రీ పర్‌ఫెక్ట్‌గా వర్కవుట్ అయింది. 1991 మే 9 న విడుదలైన ఈ చిత్రం ఈ ఏడాది మే 9 నాటికి 30 సంవత్సరాలు పూర్తి చేసుకుంటోంది.
ఈ సందర్భంగా గ్యాంగ్ లీడర్ బ్రదర్స్‌ 30 సంవత్సరాల తర్వాత అనుకోకుండా కలిసి దిగిన ఫోటోను అభిమానులతో పంచుకున్నారు. చిరు ఆచార్య సినిమా షూటింగ్‌లో ఉండగా మురళీమోహన్‌,శరత్ కుమార్‌లు వేర్వేరు సినిమా షూటింగ్‌లలో రామోజీ ఫిలిం సిటీలో కలుసుకోగా ఈ ఫోటోను సోషల్ మీడియాలో షేర్ చేయగా వైరల్‌గా మారింది.
