ఏంరా వ‌దిలేస్తావా న‌న్ను.. ఫిదా బ్యూటీ ‘లవ్‌ స్టోరి’..

టాలీవుడ్‌ డైరెక్టర్‌ శేఖర్‌ కమ్ముల దర్శకత్వంలో నాగచైతన్య, సాయి పల్లవి జంటగా రూపుదిద్దుకుంటోన్న సినిమా ‘లవ్‌ స్టోరి’. కొద్ది రోజుల క్రితం షూటింగ్ పూర్తి చేసుకున్న ఈ మూవీ ప్ర‌స్తుతం నిర్మాణంత‌ర కార్య‌క్ర‌మాల‌ను జ‌రుపుకుంటుంది. తాజాగా ఈ సినిమా నుంచి టీజ‌ర్ ను విడుదల చేశారు చిత్ర బృందం. ఏంరా వ‌దిలేస్తావా న‌న్నూ? అంటూ సాయి ప‌ల్ల‌వి చెబుతోన్న డైలాగు అల‌రిస్తోంది.

ఇందులో చైతూ, సాయి ప‌ల్ల‌వి మ‌ధ్య ప్రేమ చాలా ఫీల్‌తో ఉన్న‌ట్టుగా కనిపిస్తుంది. కుటుంబ భావోద్వేగాలు, ప్రేమ, వినోదం అంశాల కలబోతగా ఈ సినిమాని తెర‌కెక్కించిన‌ట్టు అర్ధ‌మ‌వుతుంది. పవన్‌ సి హెచ్ అందించిన బ్యాక్‌గ్రౌండ్ స్కోర్ కూడా బాగుంది. త్వ‌ర‌లో చిత్రం థియేట‌ర్స్‌లో విడుదల కానుంది.