కబడ్డీ ఆడిన మంత్రి మల్లారెడ్డి…

వ్యాయామాన్ని రోజువారి దినచర్యలో భాగంగా అలవర్చుకుంటే రోజంతా ఉత్సాహంగా ఉంటామన్నారు మంత్రి మల్లారెడ్డి. పీర్జాదిగూడ కార్పొరేషన్‌ పాలకవర్గం మొదటి సంవత్సరం పూర్తిచేసుకున్న సందర్భంగా మేడిపల్లిలోని హనుమాన్‌ దేవాలయం ప్రాంగణంలో నిర్వహిస్తున్న స్పోర్ట్స్‌ మీట్‌లో పాల్గొన్నారు.

ఈ సందర్భంగా క్రీడాకారులతో కలిసి కబడ్డీ ఆడి ఉత్సాహ పరిచారు. ఆటలతోనే ఆరోగ్యంగా ఉంటామని తెలిపారు. కబడ్డీతో పాటు క్రికెట్‌, వాలీబాల్‌, బ్యాట్‌మెంటన్‌, టెన్నికేయిట్‌, క్యారమ్‌, చెస్‌, షటిల్‌, తదితర పోటీలు నిర్వహిస్తున్నట్లు వెల్లడించారు. ఈ కార్యక్రమంలో మేయర్‌ వెంకట్‌రెడ్డి, డిప్యూటీ మేయర్‌ శివకుమార్‌గౌడ్‌, కమిషనర్‌ శ్రీనివాస్‌ తదితరులు పాల్గొన్నారు.