విరాట్‌ను రెచ్చగొట్టకండి..:ఆసీస్ ఆటగాళ్లకు స్టీవ్ వా హెచ్చరిక

ఈ నెలాఖరు నుండి భారత్- ఆసీస్ టూర్ ప్రారంభం కానున్న సంగతి తెలిసిందే. ఈ నేపథ్యంలో ఆసీస్ మాజీ ఆటగాడు స్టీవ్ వా ఆసక్తికర వ్యాఖ్యలు చేశారు. కోహ్లీని రెచ్చగొట్టొద్దని…స్లెడ్జింగ్ జోలికి వెళ్తే అది ఆసీస్‌కే నష్టమని తెలిపాడు.

కోహ్లీని వదిలేయడమే ఉత్తమం. కాదని మాట జారితే అది అతడికి మరింత ప్రేరణ ఇచ్చి ప్రత్యర్ధి బౌలర్లకు చుక్కలు చూపిస్తాడని తెలిపాడు స్టీవ్ వా.తనను తాను నియంత్రించుకోవడంలో కోహ్లీ చాలా మెరుగయ్యాడని వా వెల్లడించాడు.

ఐపీఎల్‌ 13వ సీజన్‌ ముగియగానే భారత ఆటగాళ్లు.. ఆసీస్‌ పర్యటనకు వెళ్లనున్నారు. ఈ టూర్‌లో టీమ్‌ఇండియా 3 వన్డేలు, 3 టీ20లు, 4 టెస్టులు ఆడనుంది. నవంబర్‌ 27న ప్రారంభం కానున్న ఈ పర్యటన వచ్చే ఏడాది జనవరి 19తో ముగియనుంది.