సరస్వతీ అమ్మవారిని దర్శించుకున్న పార్దసారధి

రాష్ట్ర ఎన్నికల సంఘం కమిషనర్ సీ. పార్థసారథి దంపతులు సోమవారం బాసరలోని సరస్వతీ అమ్మవారిని దర్శించుకుని ప్రత్యేక పూజలు నిర్వహించారు. వీరికి ఈఓ, ప్రధాన అర్చకులు, ఆలయ స్థానాచార్యులు, నిర్వాహకులు పూర్ణకుంభ స్వాగతం పలికారు. ఈ సందర్భంగా అమ్మవారి సన్నిధిలో సీ పార్థసారథి మనుమరాలికి అక్షరాభ్యాసం చేయించారు. తరవాత ఆలయ పూజారుల ఆశీర్వచనం అందించారు.