సున్నం రాజయ్య మృతిపట్ల సీఎం కేసీఆర్ సంతాపం..

మాజీ ఎమ్మెల్యే, సిపిఎం సీనియర్ నాయకుడు సున్నం రాజయ్య మరణం పట్ల ముఖ్యమంత్రి కె. చంద్రశేఖర్ రావు సంతాపం వ్యక్తం చేశారు. ప్రజా సమస్యల పరిష్కారం కోసం తన జీవితాంతం కృషి చేసిన రాజయ్య, అత్యంత నిరాడంబర రాజకీయ నాయకుడిగా ప్రజల హృదయాల్లో నిలిచి పోతారని సిఎం అన్నారు. ఆయన కుటుంబ సభ్యులకు ప్రగాఢ సానుభూతి తెలిపారు.

భద్రాచలం నుండి మూడు సార్లు ఎమ్మెల్యేగా గెలుపొందారు సున్నం రాజయ్య. గత ఎన్నికల్లో ఏపీలోని రంపచోడవరం నుండి పోటీచేసి ఓటమిపాలయ్యారు. ఎమ్మెల్యేగా గెలిచినా సాధారణ జీవితం గడిపారు. ఎమ్మెల్యేగా ఉన్న సమయంలో కూడా ఆటో, బస్సుల్లో ప్రయాణించేవారు. నిరాడంబర జీవితాన్ని గడిపిన రాజయ్య మృతిని సీపీఎం శ్రేణులు జీర్ణించుకోలేకపోతున్నాయి.